هەرێم نیوز
حکومەتی سوریا گەمارۆی توندی خستۆتە سەر کەمپی کوردانی ئاوارەی عەفرین لە شارۆچکەی تەل رەفعەت و باکوری حەلەب، بەھۆی گەمارۆکە قەیرانی مرۆیی لە ناوچەکە سەریھەڵداوە.
لە مانگی ئەیلولی ٢٠٢٢وە تا ئێستا، ھێزەکانی حکومەتی سوریا گەمارۆی توندیان خستۆتە سەر شارۆچکەی تەل رەفعەت و پێنج کەمپی باکووری حەلەب و رێگری دەکەن لە ھاتنی سوتەمەنی و خۆراک و دەرمان بۆ ناوچەکە، بەوھۆیەشەوە قەیرانی سوتەمەنی و دەرمان و بەشێک لە خۆراک دروست بووە و جوڵەی دانیشتوان و بازاڕەکان و دامەزراوەکان بە تەواوەتی پەکی کەوتووە.
بێریڤان خەلیل، ھاوسەرۆکی دەستەی خوێندن لە ھەرێمی عەفرین رایگەیاند، بەھۆی نەبوونی سووتەمەنی، نزیکەی یەک مانگە خوێندکاران دەوامیان نەکردووە و جگە لە قەیرانی گەرمکردنەوە، روبەڕووی گرفت بوونەتەوە لە دابینکردنی ھۆیەکانی گواستنەوە بۆ خوێندکاران.