هەرێم نیوز
لەگەڵ زۆربوونی ڕووداوەکانی هاتوچۆ هۆکارگەلێک باس ئەکرێت کە کاریگەری خراپیان هەیە بۆ زیادبوونی ڕووداوەکانی هاتوچۆ، وەک خراپی ڕێگاوبان و توندوتۆڵی ئۆتۆمبیل و هەڵە و بێباکی شوفێران، بەڵام هۆکاری نەخۆشی و تێکچونی تەندروستی شوفێران یەکێکە لە گرنگترین هۆکارەکان و بەداخەوە هیچ گرنگیەکی پێ نەدراوە.

لەم حاڵەتانەدا نابێت شوفێری بکرێت:-
١.حاڵەتەکانی مێشک و دەمار:
-ئەو کەسەی تووشی زەبر و برینێکی سەختی سەر ئەبێت، تا ٦ مانگ نابێت شوفێری بکات یان تا ئەوکاتەی پزیشکی پسپۆر ڕێگەی پێئەدات.
بورانەوە و لەهۆشخۆچوون: تا ۱ مانگ نابێت شوفێری بکات یان تا ئەوکاتەی هۆکارەکەی ئەدۆزرێتەوە.
۲.گەشکە (پەرکەم) تا ٦ مانگ نابێت شۆفێری بکات.
-جەڵتەی مێشک: تا 1 مانگ نابێت شوفێری بکات.
 -نەخۆشی لاوازبوونی پەلەکان، پارکینسۆن یان نەخۆشی لەبیرچونەوە: نابێت سۆفێری بکات تا ئەو کاتەی لەلایەن پسپۆری مێشک و دەمار هەڵسەنگاندنی بۆ ئەکرێت.
۲.نەخۆشیەکانی دڵ:
-ئەو کەسانەی نەشتەرگەری دڵ یان بۆ دەکرێت: تا یەک مانگ نابێت شوفێری بکەن.
-ئەو کەسانەی قەستەرە و شەبەکە و باڵۆنیان بۆ ئەکرێت، یان پاتری دڵ یان بۆ دائەنرێت یان توشی جەڵتەی دڵ ئەبن: تا یەک هەفتە نابێت شوفێری بکەن.
-ئەو کەسانەی زوو زوو زەبحەی دڵیان بۆ دێت یان کارەبایی دڵیان تەواو نیە و لێدانی دڵیان ناڕێکە: نابێت ئوتۆمبیل لێحوڕن تا ئەوکاتەی لەلایەن پزیشکی پسپۆرەوە پشکنیان بۆ ئەکرێت.
 ۳.ئەوکەسانەی کێشەی بینین و شەوکوێریان: نابێت شوفێری بکەن تا ئەکاتەی کێشەکەیان چارەسەر ئەکرێت.
٤.نەخۆشی شەکرە:
-ئەو کەسانەی زوو زوو تووشی دابەزینی شەکرە ئەبن: نابێت شوفێری بکەن تا ئەوکاتەی حاڵەتەکەیان چارەسەر ئەکرێت.
-ئەو نەخۆشانەی شەکرە کە سڕبوون و لاوازبوونی قاچیان زۆره بەجۆرێک هەستی بەرکەوتنیان زۆر لاواز بووە: نابێت شوفێری بکەن تا کاتی چارەسەرکردنی حاڵەتەکەیان.
٥-لەکاتی خواردنەوەی مەی و بەکارهێنانی ئەو دەرمانانەی گێژ وبێهۆشی دروست ئەکەن وەکو حەبی ترامادۆل و مۆرفین: نابێت شوفێری بکەن.

د.داهات حەوێزی