ئا: نزار ئەحمەد
زیادە ڕەوی لەبەکارھێنانی ئەم دەرمانانە تاچەند مەترسیدارە؟
دەرمانە ئازار شکێنەکان ئەو دەرمانانەن کەبەکاردێن بۆ کەمکردنەوەی ئازار و ناڕەحەتی لەنمونەی ئەم دەرمانانەش
-پاراسیتامۆڵ
-ئازارشکێنە ناچەوریەکان (پرۆفین، ناپرۆکسین)
-ئازارشکێنە بەھێزەکان کە بە (opoid) ناسراوە
پاراسیتامۆل یەکێکە لەو دەرمانانەی کە زۆر باوە لەناو خەڵکدا و بەڕێژەیەکی زۆر بەکاردێت و بێ ئاگا لەوەی دەبێتە ھۆی زیان گەیاندن بە جگەر
بۆ کەسێکی ئاسایی لەڕۆژێکدا واباشترە (4000mg)
زیاتر پاراسیتامۆڵ بەکار نەھێنێت و لەماوەی ١٠ ڕۆژ زیاتر بەکاری نەھێنێت
جگەر
ئەو ئەندامە سەرەکیەی لەشە کەھەڵدەستێت بەپاڵاوتنی ھەموو ئەو خواردن و خواردنەوە و دەرمانانەی کە دێنە ناو لەشەوە
نیشانە سەرەکیەکانی ژەھراوی بوونی جگەر.
-زەردھەڵگەڕانی پێست و چاو و توشبوون بە زەردوی
-تۆخ بونی ڕەنگی میز
-دڵ تێکھەڵھاتن و ڕشانەوە و کەمبوونەوەی ئیشتیھای خواردن
ئەوکەسانەی نەخۆشی جگەریان ھەیە لەکاتی وەرگرتنی دەرمانی ئازارشکێندا دەبێت بە ئاگاداری پزیشکی پسپۆڕی خۆیان بەکاری بھێنن.
ئەوکەسانە کێن دەبێت بە ئاگاداریەوە ئازار شکێنەکان وەربگرن؟
-ئەو کەسانەی خواردنەوە کحولیەکان دەخۆنەوە
-ئەو کەسانەی ڤایرۆسی جگەریان ھەیە
-ئەو کەسانەی مۆمی جگەریان ھەیە
-ئەو کەسانەی لە شوێنی ئیشەکانیاندا بەردەوامیان ھەیە لەگەڵ ماددەی کیمیایی
بەهیوای سوود