دواین هەواڵ

ئابوری‌

 18/01/2022

نەوت 87 دۆلاری تێپەڕاند

هەرێم نیوز
بۆ یەکەمجار لە دوای مانگی تشرینی یەکەمی ساڵی 2014ـەوە نرخی بەرمیلێک نەوتی خاوی برێنت بۆ سەرووی 87 دۆلار بەرزبووەوە.


لەسەر ئاستی مامەڵەکاندا نرخی بەرمیلێک نەوتی خاوی برێنت لە گرێبەستەکانی داهاتووی بە رێژەی سەدا 1.65 بۆ 87.91 دۆلار بەرزبووەوە.

هەروەها نرخی بەرمیلێك نەوتی سووکی رۆژئاوای تێکساس بە رێژەی سەدا 1.81 بۆ 85.37 دۆلار بەرزبووەوە.

ئەمە لە کاتێکدایە لە ئایاری ساڵی رابردووەوە، بۆ رێکخستنی بازاڕی وزە، هاوپەیمانی ئۆپێک پڵەس رێککەوتن بۆ کەمکردنەوەی 9.7 ملیۆن بەرمیل نەوتی رۆژانە، کە بەهۆی بڵاوبوونەوەی پەتای کۆرۆناوە خواست لەسەر نەوت کەمبووەوە، دواتر لە مانگی ئابی ساڵی رابردووەوە رێککەوتن بۆ هەر مانگێک 400 هەزار بەرمیل نەوتی زیاتر بخەنە بازاڕەوە، پێشبینی دەکرێت تا کۆتایی مانگی ئەیلوول خستنەڕوو بگەڕێتەوە ئاستی ئاسایی خۆی.

هەروەها پێشبینی دەکرێت بەهۆی بە‌هێزی خواست بۆ نەوت، لە چارەکی سێیەمی ئەمساڵ نرخی هەر بەرمیلێک نەوتی خاو بۆ سەرووی 100 دۆلار بەرزبێتەوە.



Copyright © 2020 All Rights Reserved Designed And Developed By AVESTA GROUP