دواین هەواڵ

تەندروستی‌

 پێش 2 هەفتە

دووگـــیان بــــــوون لــــە دەرەوەی مــــــنداڵـــــدان

ئامادەکردنی: دکــتۆرە کــــــانــی فـــەرەیدوون دکــــتــۆرا(بـــۆرد) لەنەخۆشیەکانی ژنان و مناڵبوون نەزۆکی 

واتە چاندنی کۆرپەلە لە دەرەوەی منداڵدان لە( ٪١-٢٪)دووگیانی لەخانماندا ئەم جۆرەیە . ئەو شوێنانەی کە ئەم جۆرە دووگیانیەی تیادا ڕوودەدات :

١-بۆڕی هێلکەدان ( ٪٩٣-٩٥٪) . ٢-دەمی مناڵدان ، هێلکەدان ، شووێنی نەشتەرگەری مناڵبوون ، لەناو بۆشای سکدا (٪٥-٧) . ئەم جۆرە دووگیانیە زیاترلەو خانمانەدا ڕوودەدات کە:

١- بۆڕی مناڵدانیان نەخۆشە

٢- پێشتر دووگیانبوونی دەرەی منداڵدانیان هەبووە .

٣- جگەرەکێشان .

٤- پێشتر نەشتەرگەری ناوسک وحەوزیان بۆ کراوە .

٥- هەوکردنی کۆئەندامی زاوزێ .

٦- ئەنجامدانی سێکس لەگەڵ یەک کەس زیاتر .

٧- تەمەنی خانمەکە لە سەرووی چل ساڵە .

* نـــیـــشــــــــــانــەکــــــــــانــی :

١- دواکەوتنی سوڕی مانگانە .

٢- خوێن بەربوون لە کۆ ئەندامی زاوزێ .

٣- بوونی ئازاری سک.

* دەســــــتنیـشـــانکردنی ئــــــــەم جـــــــــۆرە دووگــــــــیـــــانـیـــە :

١- پشکنینی دووگیانی لەڕێگەی خوێنەوە (B.HCG) کە ڕێژەکەی لەم جۆرە دووگیانیەدا بەشێوەیەکی گشتی نزمە .

٢- سۆنەری حەوز کەتیایدا بۆڕی هێلکەدان ئاوساوەو نەبوونی منداڵ لە ناوپۆشی ڕەحمدا .

* چـــــــــــــــارەســـــــــــــەر : سێ جۆر ڕێگە چارە هەیە کە بەپێی باروودۆخی نەخۆش بڕیار دەدرێت :

١- تەنها چاودێریکردنی نەخۆش وەخۆی بە شێوەیەکی سرووشتی دەپووکێت و لە ناو دەچێت .

٢- دەرزی کیمیای ( methotrexate )کە دەبێت نەخۆشەکە شیر نەداو نەخۆشی جگەرو گورچیلەی نەبێت ،ئەوخانمەی ئەم جۆرە دەرزیەی لێ بدرێت دەبێت تا سێ مانگ دووگیان نەبێتەوە چونکە دەبێتە هۆی درووستبوونی منداڵی کەم ئەندام .

٣- نەشتەرگەری لەڕێگەی ناظور یان کردنەوەی سک وەبڕینی بۆڕی هێلکەدان کە كۆرپەکەی تیادا درووست بووە .

* ڕێـــــــنـمــــای دوای چـــــــارەســـــەر :

دەبێت هەرکاتێک خانمەکە بۆ جاری دووەم دووگیان بوو بەزووترین کات سەردانی پزیشک بکات ، وە ڕێژەی دووبارەبوونەوەی ئەم جۆرە دووگیانیە لە (٪١٠) یە.

 



Copyright © 2020 All Rights Reserved Designed And Developed By AVESTA GROUP