سدیق عەزیز

ئایا ئەکتەر کاتێکی هەیە بڵیت من دەست بەتاڵم و کارم نیە؟ ئایا ئەو کاتانەی ئەکتەرێک بەتەنیا دانیشتوە، لەمالەوە لە کافیەک لەباخچیەک ،مانای ئەوەیە هیچ نیە بیکات ؟ ئەو کاتەی لەسەر قەنەفەکەی ماڵەوە پاڵ دەکەویت بەمانای ئەوەیە شتێک نیە خۆتی پێوە مەشغوڵ کەیت؟

ئەگەر ئەکتەرێک ڕاستگۆیانە پەیڕوەی میتۆدەکانی ستانسلافسکی بکات و بیەوێ ببێتە ئەکتەرێکی بە توانای سەرکەوتوو ،ئەوا ستانسلافسکی بچوکترین ساتی بۆ بێکاری و دەست بەتاڵی ئەکتەر نە هێشتۆتەوە. میتۆدەکانی ستانسلافسکی خاوەن کۆمەلێک ڕهێنانی تایبەتە ، کە ئەکتەر لەهەرشوێنێک بێت و چۆن بیەوێت ،دەتوانێت ئەو ڕاهێنانە خۆبەخۆ لەگەڵ خۆیدا بە ئەنجام بگەیەنێت ،بەتایبەتی ئەو کاتانەی بەتەنها و هەر خۆیەتی.

یەکێک لە پێکهاتە گرنگ و سەرەکیەکانی بوون بە ئەکتەر، بوونی خاوەن خایەڵێکی فراوانە ،بە شێوەیەک ئەکتەر بتوانێت لە ڕیگای خەیاڵاندنەوە وێنای ئەو کەسایەتیەبکات کە دەیەوێت لەسەر شانۆ ڕۆڵی ببینێت ، لە ڕیێای خەیاڵەوە بتوانێت کاریگەریە هەستە ناوەکی و دەرکیەکان بچوڵێنێت و بیرەوەریەکان لە نەستدا ئاکیڤیان بکات .

خەیاڵدان و خەیاڵکردنەوە کارێکی تاکە کەسیەوە ،پەیوەستە بە توانای عەقڵی تاکەکە خۆیەوە ، ڕاهێنانی خەیاڵ دەشێت لە ڕێگای کۆمەلێک پرسیارەوە بێت کە لە خۆتی بکەیت ، لەگەڵ ئەوەی کە ستانسلافسکی فۆکسێکی زۆری خستۆتە سەر( ئەگەر) . کەس ناتوانێت کەسیكی تر بکاتە خاوەن خەیاڵ بیرکەرەوەیەکی فروان ، جگە لە ڕینمایی کردن و هاوکاریکردنی لە ڕێگای کۆمەلێک ڕاهێنانە . بۆیە ئەوکاتانەی ئەکتەرێک خۆی بێ کارو بێ ئێشە و دەستەباتڵ دەبینێت ،دەتوانێت ڕۆژانە سەعاتێک تا دووسەعات بەتەنها ڕهێنانی فڕوان بوونی خەیاڵ وخەیاڵکرندوە لەگەڵ خۆیدا بکات.

خالێکی تری گرنگ بۆ بوون بەئەکتەرێکی باش ، بوونی تەرکیز و ووردبینی و فۆکسە لەسەر لەسەر شتەکان و دەوروبەر ،ئەکتەر دەبێت خاوەن تەرکیزێکی بەهیزبێت و تەواوی وردەکاریەکانی سەر شانۆ بەتەواوی پێکهاتەکانەوە ببینێت . ئەکتەر دەبێت وردبین و دەقیق بێت لە تێروانین و سەیرکردنی دەوربەری خۆیدا ، خاوەن نیگایەکی قوڵی پڕمانابێت ،بە نیگایەکی ڕا ستگۆیانەوە سەیری ئەو شتانە بکات یان ئەو شوێنەبکات کە قسەی لەسەر دەکات،

ستنسکافسکی دەلێت، "ئەو کاتەی ئەکتەر دەڕوانیت و دەبینێت و سەرنج دەدات ،بینەریش لە ڕوانگەی نیگاو تێروانینی ئەکتەروە سەرنج دەدات ) تا تێڕوانین و سەرنجەکانی ئەکتەر وردوو ماناداربن ، بینرەیش هێندە زیاتر بەدوای نیگاکاندا دەڕوات ".ڕاهێنانەکانی ستنسلافسکی لەسەر تەرکیز و فۆکس و وردبینی لە خاڵێکی بچووکەوە دەست پێ دەکات بۆ ناوەندو گەورەتر و گەروەترین ،

واتە تۆ رۆژانە لە سەیرکردن و وردبونەوە لە تابلۆیەک بە وردەکاری رەنگ و فیگەری ناو تابلۆکەوە دەست پیدەکەیت ،تا دەروبەری تابلۆکەو پاشان کۆی هەموو ژوورەکە بە فراوانی ، دووبارەکردنەوەی ڕۆژانەی ئەم حاڵەتە لەشوینێ جیاواز و لەگەڵ ماتریاڵی جیاوزدا ،هاوکاری ئەکتەر دەکات بۆ بەهێزبوونی تەرکیز و توانای وردبوونەوە لەدەروبەر. دیارە ڕاهێنانەکانی ستسلافکسی سەرەتا لە لە وردبونەوەیە لە کۆمەلێک کەلوپەلی ژێر گلۆپێکی بازنەی بچووک ، پاشان ڕوناکی بازنەکە گەورەترو گەرەتر دەبێت تا تەواوی سەر شانۆ ڕوناک دەبێتەوە.

ئەو ئەکتەرانەی کە لەیەکم ساتی نمایشدا لە ژێر روناکیەتی گەورەدا خۆیان دەبینن ،واهەست دەکەن لە بیانانێکدان و دەستیان بەهیچ ناگات ، چوونکە خاوەن تەرکیز و وردبونەوەیەکی قوڵنین ،تا بتوانن سەرنجیان لەسەر بابەتە سەرکیەکە قوڵکەنەوە و تەرکیزیان پەروشوبلاو نەبێت.

بەبڕوای من زۆرکەم لە ئەکتەری کورد توانیویەتی سود لە کاتی بەتاڵ و بێ ئیشی ژیانی ڕۆژانەیان خۆی وەرگرێت بۆ ئەنجامدانی کۆمەلێک لەو ڕاهێناننە ،نەک تەنها لەکاتی خۆ ئامادەکرن بۆ نمایشێکی شانۆیی هەندیك شتمان بیرکەوێتەوە