هەرێم نیوز
ئاژانسی رۆیتەرز بڵاویکردەوە، دوای ئەنجامی کۆبوونەوە و نەگەیشتن بە رێککەوتن ئەمڕۆ یەکەم هەنگاوی سەپاندنی سزاکانی بەریتانیا و وڵاتانی ئەوروپا بەسەر ئێراندا دەستپێدەکاتەوە.
ئەمڕۆ پێنجشەممە، 28ی 8ی 2025، ئاژانسی رۆیتەرز لەزاری چوار دیپلۆماتی ئەوروپییەوە دەڵێت، کۆبوونەوەکەی دوو رۆژی رابردووی نێوان تاران و وڵاتانی ئەوروپا و بەریتانیا ئەنجامێکی باشی نەبووە، بۆیە لە ئەمڕۆوە یەکەم هەنگاوی سەپاندنی سزا بەسەر تاراندا دەستپێدەکاتەوە.
رۆیتەرز دەڵێت، وڵاتانی ئەوروپا و بەریتانیا وتوویانە، هیوادارن ئێران لە ماوەی ٣٠ رۆژدا پابەندبوونی خۆی بەسەر بەرنامە ئەتۆمییەکەدا پیشانبدات تاکو ئەو سزایانە بەسەریاندا بەردەوام نەبێت.
ئەمەش لە کاتێکدایە دوو رۆژ لەمەو پێش ئێران لەگەڵ هەریەک لە وڵاتانی ئەڵمانیا و فەرەنسا و بەریتانیا لە جنێڤی پایتەختی سویسرا کۆبوونەوە بۆ ئەوەی دەرفەتێک بدەن بە ئێران سەبارەت بە سەپاندنی سزا لە لایەن نەتەوە یەکگرتووەکانەوە.