مێژوو بەپێی لۆژیك‌و وێناكردنەكانی هیگڵ، بەئاراستەی ئامانجێكی دیاری كراودا رێدەكات كە لە دیده فەلسەفیەکەیەوە ناوی دەنێت "بیرۆكەی باڵا"، یان رۆحی رەها.واتا هۆشمەندبون بەرانبەر بەخود. ئەگەر دەست بازییەك لەگەڵ ئەم وێناكردنەی هیگەڵدا بكەین‌ و دۆناو دۆنی رۆحییەتی نەتەوەیی بكەین، 

ئەوە ئەبێت باوەڕ بەوەبێنین ئێستا كورد جگە لە دۆڕاوێک بەرانبەر روكەنەكانی مێژوو  لەو ماوە زەمەنیەی لۆزان تا کو ئێستا   خەریك  بەچی تر بووە ؟ 

چونكە سەدەیەك مێژوو بەئارستەیەكی نێگەتیڤ و پێچاو پێچ  هەموو  پیسییەكانی بەسەر نەتەوەیەكدا ڕشت‌و هەرچی نەتەوەی سەردەستە،بەسەر جەستەی كوردەدا ڕشایەوە، بەدرێژای سەدەیەك ئەتكی شوناسیان كرد، ئێستا كاتی ژوانێكە بۆ ئەوەی كورد بتوانێت عاقڵانە لە زەمەن‌ و  مەكانی ئاڵۆزی رۆژهەڵاتی ناوەراست، زیندوو بوونەوەی جەمسەر بەندیەکان كەوتنی چەند دانە یەک لە رژێمە میلتارەکان و  ماستەر پلانی ئەمەریكا رۆژئاوا  بۆ دروستكرنەوەی ماڵی گەورەی رۆژهەڵات‌و گۆڕانی جیۆستراتیجی ناوچەیی، 

لەوەها دۆخێكدا  یادوو یادەکردنەوەی لۆزان کە بوو بە کفن دفنی سیڤەر،  ئەو ناونیشانەیە كەناوم ناوە (مەوعیدێك لەگەڵ مێژوو)

درككردنی كورد بەوەی كە ئەم روداوانەی ناوچەكە بانگ كردنێكە ئەویش بۆ تێگەیشتن و مامەڵەکردنێکی عەقڵانی  بەم پێداراوانەی ئەمرۆ ئیمكانی ئەوە ئەدات كورد بتوانێت بە ڕوئیا‌و ستراتیژێكی یەكگرتوو  یەكگوتار موخاتەبەی ئەم هێزانە بكات كە ئایندەی ئەم ناوچەیە رەنگڕێژ دەكەن، ئەمەش بەر لە هەر هەنگاوێک موحتاجی  بە خۆتەکاندنە لەو وەهمەی کە گوایە  هەڵوەشاندنەوەی شفرەكانی سایكس-بیكۆ‌ - سازانۆڤ و  زیندوكردنەوەی سیڤەر و لەگۆڕنانی لۆزان، نەخشەرێگای پرۆژەیەكی نەتەوەیە، ئەم کارە نەکردەیە و ئەمڕۆ دەبێت لەوە تێبگەین   کە پرەنسیپی پیادەکراوی  زلهێزەكان  لەسەر عەقیدەی پراگماتیستی (ولیم جیمس ) بونیات نراوە‌و زاڵە بەسەر ئەخلاقیاتی كانتیزمی ئایدیالیستی‌و تە نهاو تەنها رەچاوی بەرژەوندییەكان دەكات‌و لەكوێدا بیرۆكەكان لەئامانجەكانیان نزیك كردینەوە، ئەوە شایەنی پیادەكردن‌و بەكارهێنانن، نەك باشی‌و خراپی بیرۆكەكان.زۆر گرنگە كورد  ئەم یادانە بکاتە وێزگەی بەرنامەرێژی‌و بونیادنانی دەزگا بۆ بەرهەم هێنانی گوتارو ستراتیژی داهاتوی هەنگاوەكانی لایەنی کەم ئەم کۆنگرە یادانە لە ئاست  كەشفكردنی هەمو ئەو ئیشكالییەتانەدا بێت‌و لەئاستی سیاسی‌و كولتوری‌و ئابوری‌و كۆمەڵایەتی‌ ئاریشەكانی  وەك  كۆتەرە بخاتە سەرئاو.