نرخی نەوت بۆ ئاستێک دابەزیوە کە لە پێش شەڕی لەگەڵ ئێرانەوە نەبینراوە، چونکە بەرە بەرە کەشتیوانی لە ڕێگەی گەرووی هورمزەوە دەستپێدەکاتەوە کە یەکێکە لە گرنگترین ڕێڕەوەکانی کەشتیوانی لە جیهاندا.
نرخی نەوتی خاوی برێنت کە پێوەرێکی جیهانییە بۆ نرخی نەوت ئێسا دابەزیوە بۆ ٧١دۆلارو ٩٩ سەنت ئەم نرخە بەنزیکەی ڕۆژێک پێش دەستپێکردنی هێرشەکانی ئەمریکا و ئیسرائیل بۆ سەر ئێران لە ٢٨ی شوباتدا بوو.
لەدوای وەڵامدانەوەی ئێران بۆ مانگرتنەکان بە داخستنی کاریگەرانەی گەرووەکە، نرخی وزە هەڵاوسانێکی بەرچاوی بەخۆیەوە بینیوە، ئەمەش کاریگەری لەسەر بارکردنی نەوت و گاز هەبووە.
لە دوای واژۆکردنی یاداشتنامەی لێکتێگەیشتنی ئەمریکا و ئێران لە ١٧ی حوزەیران، کە ماوەی ٦٠ ڕۆژە بۆ دانوستان لەسەر بەرنامەی ئەتۆمی تاران و ڕێوشوێنی دیکە کە ئامانج لێی کۆتاییهێنانە بە شەڕ، نرخی نەوتی خاو دەستی بە دابەزینێکی بەرچاو کردووە.
بەڵام پراتیبها تاکەر، بەڕێوەبەری ناوچەیی ڕۆژهەڵاتی ناوەڕاست و ئەفریقا لە یەکەی هەواڵگری ئابووریناس، ڕایگەیاند، هەرچەندە نرخی نەوت گەڕاوەتەوە بۆ ئاستی پێش ململانێکان، بەڵام مەترسییەکان هەر ماون.
ئاماژەی بەوەشکردووە، هێشتا بازاڕەکان لە نزیکەوە چاودێری ناوچەکە دەکەن و هەر گرژییەکی نوێبوونەوە دەتوانێت بە خێرایی ببێتە هۆی بەرزبوونەوەی نرخی نەوت.
ترامپ لە هەڵوێستی ناتۆ سەبارەت بە شەڕی ئێران توڕەیە و قالیبافیش داوای داڕشتنەوەی نەزمی ناوچەکە دەکات.