هەرێم نیوز
هێزە ئەمنییەکانی پارێزگای نەینەوا لە قەزای حەزەر، تاوانێکی کوشتنی بەکۆمەڵی خێزانییان ئاشکرا کرد، کە تێیدا گەنجێک بە تۆمەتی کوشتن و پارچەپارچەکردنی تەرمی پێنج ئەندامی خێزانەکەی دەستگیر کراوە.
ئەمڕۆ شەممە، 27ـی 6ـی 2026، بەپێی زانیارییە ئەمنییەکان، تۆمەتبارێک بە ناوی (س. م. ح) دانی بەوەدا ناوە کە باوک، دایک، دوو خوشک و برایەکی بچووکی خۆی کوشتووە.
تۆمەتبارەکە کە دەرچووی زانکۆیە و پێشتر لەگەڵ چەند ڕێکخراوێکی نێودەوڵەتیدا کاری کردووە، دوای کوشتنی خێزانەکەی، بە ئامێری "کۆسەرە" تەرمەکانیانی پارچەپارچە کردووە و لە باخچەی ماڵەکەیاندا ژێرخۆڵی کردوون.
پۆلیسی نەینەوا دوای دەستگیرکردنی تۆمەتبارەکە و وەرگرتنی دانپێدانانەکانی، توانیویەتی شوێنی تەرمەکان لە باخچەی ماڵەکەیاندا بدۆزێتەوە.
لە ئێستادا لێکۆڵینەوەکان بۆ زانینی هۆکار و وردەکاریی زیاتری ئەم تاوانە بەردەوامن.