ھەرێم نیوز
ھێمن ھەورامی، لەتۆڕی کۆمەڵایەتی فەیسبووک پۆستێکی بڵاوکردۆتەوە و دەڵێت،"هەر لە رۆژی ۲٠ ی ۳ ی ۱۹۹۲ کە سەرۆک بارزانی لە بەردەم ئاپۆرایەکی جەماوەریدا لە کۆیە، داوای کرد کە دەبیت هەڵبژاردن بکریت و دەولەتی یاسا دروست ببێت و رەوایەتی شۆڕشگێڕی بگۆڕدرێ بە رەوایەتی یاسایی و دیموکراسی و بریار و دەنگی گەلی کوردستان سەرچاوەی مەشروعیەتی دەسەلاتی سیاسی بێت، بە شانازییەوە پارتی دیموکراتی کوردستان لەسەرجەم هەڵبژاردنەکانی کوردستاندا متمانەی زۆرینەی خەلکی کوردستانی بەدەستهێناوە".
دەشڵێت،"خەلک ومێژووی کوردستان شاهێدن کە لەسەر بنەماکانی ریبازی بارزانی ، لای پارتی حزب ئامرازە و کوردو کوردستان و دۆزە رەواکەی ئامانجە ستراتیژیەکەیە".
ئاماژەی بەوەشکردووە، زانراویشە تیری نەیار و دوژمن بۆ سنگی کێ بوو، حەق لای ئەوە، ئەو دەنگە دۆڕاو و نەشاز و ساختەچیانەی بازرگانی بە دەنگدەران دەکەن ، بە بەئامانجگرتنی کاک مەسرور بارزانی ناتوانن پەردەپۆشی داشۆرانیان لە بەهای ئەخلاقی خۆیان و فرۆشتنی متمانەی دەنگدەرەکانیان بکەن.
ھەورامی باسی لەوەشکردووە،پارتی دیموکراتی کوردستان شانازی بەدەستکەوتەکانی سەرجەم قۆناغەکانی حوکمرانی خۆی دەکات و لە بەرامبەر کەموکورییەکانیش لە بەرپرسیارێتی را ناکات.
نووسیویەتی، کاک مەسرور بارزانی جێبەجیکاری سیاسەت و فەلسەفەی حوکمرانی پارتی دیموکراتی کوردستانە بۆ چاکسازی بەردەوام و حوکمرانی باش و پرۆژەی خزمەتگوزاری و بەهێزترکردنی ژێرخانی ئابوری و ریگاو بان و دامەزراوەسازی هەرێمی کوردستان و وێڕای پیلانەکان و کۆرۆنا و هەموو گوشارە ئابوری و میدیایی و سیاسی و ئەمنییەکان، تۆمارە فرە رەهەند و پرۆژە خزمەتگوزارییەکانی کاک مەسرور بارزانی شاهیدی ئەوەن کەئەم رەوتی حوکمرانیەی کاک مەسرور بارزانی نەک بۆ کابینەی دەیەم بەلکو بۆ کابینەی یازدەهەمیش بەردەوام بێت و دەبێت.
لەکۆتایشدا وتویەتی، کاروانی خەبات و سەرکەوتنەکانی کاک مەسرور بارزانی بەردەوامەو کەسە ساختەچی و خۆفرۆش و دەنگ فرۆشەکانیش با هەر بۆ خۆیان لە گێژاوی دۆڕاوی و دەروون رووخاویی خۆیان زیاتر بگەوزێن.