هەرێم نیوز
بەیانیی ئەمڕۆ هەینی، ٣ـی ٧ـی ٢٠٢٦، نێچیرڤان بارزانی، سەرۆکی هەرێمی کوردستان، لە شاری تاران لەگەڵ عەباس عێراقچی، وەزیری دەرەوەی کۆماری ئیسلامیی ئێران کۆبووەوە.
لە کۆبوونەوەکەدا، هەردوولا پەیوەندییەکانی عێراق و هەرێمی کوردستانیان لەگەڵ ئێران تاوتوێ کرد و بیروڕایان لەبارەی پەرەپێدانی هاوکاری و هەماهەنگیی هاوبەش ئاڵوگۆڕ کرد.
هەروەها تیشکیان خستە سەر دۆخی ناوچەکە و گرنگیی ڕاگرتنی شەڕ و پێشهاتە تازەکان.
نێچیرڤان بارزانی و عەباس عێراقچی جەختیان لەسەر گرنگیی بەردەوامیی دیالۆگ و هەماهەنگیی هەمەلایەنە کردەوە، بە شێوەیەک کە خزمەت بە پاراستنی ئاسایش، سەقامگیری و بەرژەوەندیی گەلانی ناوچەکە بکات.