هەرێم نیوز
دوانیوەڕۆی ئەمڕۆ دووشەممە، 29ـی 6ـی 2026، لە ئەنجامی ڕووداوێکی تەقەکردندا لە شاری شتادە سەر بە هەرێمی ساکسۆنیای خواروو لە باکووری ئەڵمانیا، پێنج کەس گیانیان لە دەست دا و پۆلیسی ناوچەکەش تۆمەتبارێکی دەستگیر کرد.
بەپێی ڕاگەیەندراوی پۆلیسی ئەڵمانیا، تەقەکردنەکە لە شەقامی دانکەرس ڕووی داوە و هێزێکی زۆری ئەمنی دەستبەجێ گەیشتوونەتە شوێنی ڕووداوەکە. سەرەڕای دەستگیرکردنی گومانلێکراوێک، هێشتا ناسنامەی کوژراوەکان و پاڵنەری پشت ئەم تاوانە ئاشکرا نەکراوە و لێکۆڵینەوەکان بەردەوامن.
میدیا ناوخۆییەکانی ئەڵمانیا وەک (ئین دی ئار) و (دێر شپیگل) پشتڕاستیان کردووەتەوە کە ژمارەی قوربانییەکان پێنج کەسە.
لە ئێستادا ئاستی ئامادەباشیی ئەمنی لە ناوچەکەدا بەرز کراوەتەوە و هێزەکانی پۆلیس بە مەبەستی کۆکردنەوەی بەڵگە و دڵنیابوون لە ڕەوشی ئاسایش لە شوێنی ڕووداوەکە جێگیر کراون و داوا لە دانیشتووان کراوە لەو ناوچەیە دوور بکەونەوە.