هەرێم نیوز
بەڕێوەبەرایەتیی گشتیی تەندروستیی سلێمانی، ئاماری کار و چالاکییەکانی مانگی ڕابردووی نەخۆشخانەی د. جەمال ئەحمەد ڕەشیدی منداڵانی فێرکاری بڵاوکردەوە، کە تێیدا هەزاران منداڵ خزمەتگوزاریی تهندروستییان پێشکەش کراوە.
ئاماری سەردانیکەران و نەخۆشە خەوێندراوەکان
بەپێی ئامارەکان، لە ماوەی مانگی ڕابردوودا ١٢ هەزار و ١٩٥ منداڵ سەردانی نەخۆشخانەکەیان کردووە و چارەسەری پێویستیان بۆ کراوە. لەو ژمارەیەش، هەزار و ٤١٠ منداڵ بەهۆی جۆری نەخۆشییەکانیانەوە لە نەخۆشخانە خەوێندراون (داخڵ کراون).
دابەشبوونی نەخۆشییەکان و بەشەکان
تەندروستیی سلێمانی وردەکاریی حاڵەتە تۆمارکراوەکانی بەم شێوەیە خستووەتە ڕوو:
• سکچوون و ڕشانەوە: ٣٧٤ حاڵەت.
• هەناسەتەنگی: ٤٦٤ حاڵەت.
• بەشی گەشە کردن: ٥١٣ منداڵ.
• بەشی تیشک و دەمار: ٥٨٤ منداڵ.
• بەدخۆراکی و ڕاهێنانەوەی خۆراک: ٢٩٨ منداڵ.
• بەشی نەبەکام: ١٧٧ منداڵ داخڵ کراون.
پشکنینە تاقیگەیی و تیشکییەکان
هەر لەو ماوەیەدا، نەخۆشخانەکە چەندین پشکنینی وردی بۆ نەخۆشەکان ئەنجامداوە، لەوانە:
• پشکنینی تاقیگەیی: پتر لە ٧ هەزار پشکنین.
• سۆنەر و ئیكۆ: ٣٨٦ سۆنەر و ١٠٣ پشکنینی ئیكۆ.
• تیشک: ٧٦٥ تیشک گیراوە.
نەخۆشخانەی د. جەمال ئەحمەد ڕەشید یەکێکە لە بنکە تەندروستییە سەرەکییەکانی منداڵان لە پارێزگای سلێمانی و ڕۆژانە پەستانێکی زۆری هاووڵاتییانی لەسەرە، بەتایبەت لە وەرزە جیاوازەکاندا کە نەخۆشییە وەرزییەکان پەرە دەسێنن