هەرێم نیوز
سەرۆکی ئەمەریکا پەیامێکی توند ئاراستەی خۆپیشاندەرانی ئێران دەکات و داوایان لێ دەکات دەست بەسەر دامەزراوەکاندا بگرن، هاوکات ڕایدەگەیەنێت هەموو کۆبوونەوەکانی لەگەڵ بەرپرسانی تاران هەڵوەشاندووەتەوە.
ئەمڕۆ سێشەممە 13ی 1ی 2026، دۆناڵد ترەمپ، سەرۆکی ئەمەریکا لە پەیامێکدا بۆ خەڵکی ئێران نووسیویەتی: "نیشتمانپەروەرانی ئێران، بەردەوام بن لە ناڕەزایەتی و دامەزراوەکانتان کۆنترۆڵ بکەنەوە."
ترەمپ داوای لە خۆپیشاندەران کردووە ناوی بکوژان و ئەشکەنجەدەران تۆمار بکەن و بیپارێزن، چونکە بە وتەی ئەو "ئەوان باجێکی قورس دەدەن."
لە بەشێکی دیکەی پەیامەکەدا، ترەمپ هەڵوێستێکی نوێی ڕاگەیاندووە و دەڵێت: هەموو دیدارەکانم لەگەڵ بەرپرسانی ئێران هەڵوەشاندووەتەوە تا ئەو کاتەی کوشتنی بێمانای خۆپیشاندەران دەوەستێت).
لە کۆتاییدا دۆناڵد ترەمپ مزگێنیی داوەتە خۆپیشاندەران و دەڵێت: "هاوکاری لە ڕێگایە."
