هەرێم نیوز 

کۆمپانیای ئەپڵ وەشانێکی نوێی ئەپی Final Cut Camera بۆ ئای ئۆ ئێس ڕاگەیاند، کە تایبەتمەندی پێشکەوتوو پێشکەش دەکات کە تایبەتە بە ئایفۆن ١٧ پرۆ و ئایفۆن ١٧ پرۆ ماکس کە بەم دواییە خراوەتە بازاڕەوە.
لەگەڵ Final Cut Camera 2.0 بەکارهێنەرانی ئایفۆن 17 Pro پشتگیری ProRes RAW و Genlock بەدەست دەهێنن، لەکاتێکدا هەموو ئامێرەکانی ئایفۆن 17 سوودمەند دەبن لە کۆنترۆڵی دەستی نوێ بۆ کامێرای پێشەوە.
بەگوێرەی ماڵپەڕی تەکنەلۆژیی “gsmarena”، ئەپڵ لە نوێکارییە نوێیەکەدا پاڵپشتی بۆ Open Recording زیادکردووە، ئەمەش ڕێگە بە بەکارهێنەران دەدات گرتە ڤیدیۆییەکان تۆمار بکەن بە بەکارهێنانی هەستەوەری تەواوی کامێراکە بە ڕوونی بەرزتر لە DCI 4K، ئەمەش واتە دەتوانیت بە شێوەی ئاسۆیی یان ڕاست وێنە بگرێت بەبێ ئەوەی پێویست بکات مۆبایلەکە بسووڕێنیتەوە.
هەروەها نوێکردنەوەکە پشتگیری لە ئەپڵ لۆگ ٢ دەکات کە تایبەتمەندییەکی تایبەتە بە ئایفۆن ١٧ پرۆ، لەگەڵ توانای چالاککردنی بژاردەکانی Timecode و وێنەگرتنی بە کامێرای فۆتۆ لە Pores بە ڕوونی تا ٤K و ٦٠ چوارچێوە لە چرکەیەکدا.
بڕیارە لەم مانگەدا یاری Final Cut Camera 2.0 لە ئەپ ستۆر بەردەست بێت بە شێوەی دابەزاندنی بێ بەرامبەر.
ئەپڵ بە نمایشکردنی ئایفۆن ١٧ی نوێ و نوێترین وەشانی کاتژمێرە زیرەکەکان و هێدفۆنەکانی هەوادارانی لە سەرانسەری جیهاندا سەرسام کرد.
کۆمپانیای ئەپڵ ئایفۆنێکی تەواو نوێی ناساند کە ناوی ئایفۆن ١٧ ئەیر بوو، کە تەنکترین ئایفۆنە تا ئێستا.
ئەپڵ دەڵێت گەورەترین پاتری تا ئێستا لەسەر ئایفۆن لەنێو ئایفۆن 17 دەبێت. لە ڕووی پشتەوە ئەپڵ دەستکاری دیزاینی باری کامێراکەی کردووە و بارێکی ئاسۆیی پێبەخشیوە کە سێ کامێرای تێدایە، ئەمە جگە لە فلاش و هەستەوەری LiDAR. شاشەکە بە چینێکی سیرامیکی پارێزەر دادەپۆشرێت.
ئایفۆن 17 Pro بە پڕۆسێسەری A19 Pro کاردەکات و تایبەتمەندی ئەوەی هەیە کە ئەپڵ پێی دەڵێت “پانێڵی کامێرای تەواو پان”، ئەمەش ئاماژەیە بۆ باری نوێی کامێرای پشتەوە.
بۆ یەکەمجار مۆدێلەکانی ئایفۆن پرۆی ئەمساڵ هەستەوەری ٤٨ مێگاپێکسڵیان دەبێت لە سەرانسەری هەر سێ کامێراکەدا.
عەدەسەی تەلەفۆتۆ باشتر کراوە، بە بەراورد بە عەدەسەی تەلەفۆتۆی 12 مێگاپێکسڵ لە مۆدێلەکانی ساڵی ڕابردوودا، باشتربوونی بەرچاو لە ڕوونییدا هەبووە.
هەروەها کامێرای سێڵفی باشتر کراوە، لەگەڵ هەستەوەرێکی نوێی ١٨ مێگاپێکسڵ.
بۆ یەکەمجار لە ماوەی شەش ساڵدا مۆبایلەکە تایبەتمەندی باری کامێرای ئاسۆیی هەیە. ئەپڵ دیزاینێکی ئاسۆیی درێژکراوە بۆ مۆدیۆلی کامێرای دواوە دەگرێتەبەر، لەبری دیزاینی چوارگۆشەی تەقلیدی. ئەم گۆڕانکارییە ڕێگە بە شوێنی زیاتر دەدات بۆ هەستەوەر و عەدەسەی پێشکەوتوو، لە هەمان کاتدا چوارچێوەیەکی ئەلەمنیۆمی بەهێز بەکاردەهێنرێت کە بنەکەی شووشەیە بۆ پشتگیریکردنی شەحنکردنەوەی بێ وایەر.
پێشبینی دەکرێت ئایفۆن ١٧ پرۆ لە ١٠٩٩ دۆلارەوە دەستپێبکات بۆ مۆدێلی ٢٥٦ گێگابایت، کە بە بەراورد بە مۆدێلی پێشوو (ئایفۆن ١٦ پرۆ) ١٠٠ دۆلار زیادیکردووە. ئەم زیادبوونە دەگەڕێتەوە بۆ نەهێشتنی بژاردەی هەڵگرتنی 128 گێگابایت و وەرگرتنی توانای هەڵگرتنی بەرزتر وەک مۆدێلی بنەڕەتی، لە هەمان کاتدا هەمان نرخ بۆ مۆدێلی 256 گێگابایت بە بەراورد بە نەوەی پێشوو دەپارێزرێت.