هەرێم نیوز
نوێنەرایەتی نەتەوە یەکگرتوەکان لە عێراق رایگەیاندوە، نیگەرانن و ئەو وێنە و ڤیدیۆیانەی بڵاوکراونەتەوە، دەرخەری ئەوەن مامەڵەی خراپ لەگەڵ دەستگیرکراوەکانی لالەزاردا کراوە، داواش دەکەن ڕێز لە مافەکانی مرۆڤ بگیرێت و لە ڕێگەی یاساوە چارەنوسی گیراوەکان یەکلای بکرێتەوە.
نەتەوە یەكگرتووەكان لە عێراق، لە بەیاننامەیەكی رایدەگەیەنێت، مامەڵەی خراپ لەگەڵ گیراوانی هۆتێل لالەزار كراوە.
ئاماژە بەوەش كراوە، ئەو گرتە ڤیدیۆیانەی لە میدیاكان بڵاو بوونەتەوە و پێشاندەری ڕووداوەكانی لالەزارن، دەریدەخەن كە مامەڵەی خراپ لەگەڵ گیراوان كراوە و ئەمەش مایەی نیگەرانییە.
ئەمە دوەمجارە یۆنامی لەسەر روداوەکەی لالەزار لێدوانیان دەبێت، پێشتریش لە راگەیاندراوێكدا نیگەرانی خۆیان خستبوەڕو، داوان کردبو کەسی مەدەنی نەکرێتە ئامانج و ژیانیان پارێزراو بێت.
ئەم كاردانەوەیەی نەتەوە یەكگرتووەكان دوای ئەوە دێت كە شەوی 21 لەسەر 22ی ئاب، هێزێكی تەناهیی سەربە یەكێتیی نیشتمانیی كوردستان، هەڵیانكوتایە سەر هۆتێل لالەزار لە سلێمانی، دوای چەند سەعاتێك لە پێكدادان، لاهوور شێخ جەنگی سەرۆكی بەرەی گەل، لەگەڵ خوشك و برایەك و ژمارەیەك لە پاسەوانەكانی گیران.
كاردانەوەكان لەبارەی ئەو رووداوانە بەردەوامی هەیە و چەندان كەسایەتی و وڵاتان، بەیاننامەیان بڵاو كردووەتەوە و نیگەرانن لەو دۆخەی لە سلێمانی هەیە.