هەرێم نیوز

دۆناڵد ترەمپ، سەرۆکی ئەمریکا ڕایگەیاند، داوا لە وڵاتانی ڕۆژهەڵاتی ناوەڕاست دەکات پەیوەست بن بە ڕێککەوتنەکانی ئەبراهام لەگەڵ ئیسرائیل، ئەمەش لە کاتێکدا ئەو دامەزراوە ئەتۆمییەی ئێران دروستی کردبوو، بە تەواوی لەناوچووە.

ڕۆژی پێنجشەممە، ترەمپ لە پەیامێکدا لە تۆڕی کۆمەڵایەتی تروز سۆشیال جەختی لەوە کردەوە: "ئەم کارە دەبێتە هۆی مسۆگەرکردنی ئاشتی لە ڕۆژهەڵاتی ناوەڕاست".

لە کاتێکدا ترەمپ ئاشتی لە ڕۆژهەڵاتی ناوەڕاستی بە ڕێککەوتنەکانی ئیبراهیمەوە گرێداوە، عەباس عێراقچی، وەزیری دەرەوەی ئێران، داوای کۆبوونەوەی نائاسایی ڕێکخراوی هاوکاری ئیسلامی سەبارەت بە قەیرانی غەززەی کردووە.

ترامپ پێشتریش لە وتارێکدا لە دژیحکومەتی ئێران وتی "ئەو حکومەتە سەرچاوەی ڕق و خراپەیە" و باسی لەوەش کرد کە هەر هەوڵێکی تاران بۆ دەستپێکردنەوەی بەرنامە ئەتۆمییەکەی، وەڵامێکی یەکلاکەرەوەی واشنتۆنی بەدوادادێت.

ترەمپ پێشتر لە باسی شەڕی ١٢ ڕۆژەی نێوان ئیسرائیل و ئێراندا ڕایگەیاندبوو کە ئەگەر ئەمریکا هێرشی نەکردایەتە سەر دامەزراوە ئەتۆمییەکانی ئێران، "لە ماوەی دوو مانگدا چەکی ئەتۆمییان دەستدەکەوت".