هەرێم نیوز
وته‌بێژی ده‌زگای ئاسایشی هه‌رێم ڕایگه‌یاند، نزیكه‌ی 811 كیلۆگرام مادده‌ی هۆشبه‌ر له‌ناوده‌برێت، كه ، 398.305 كیلۆگرام له‌و مادده‌ی له جۆری كریستاڵ بوه، 184.117 كیلۆگرام له جۆری هیرۆین بوه، 147.919 كیلۆگرام له‌جۆری تلیاك و هه‌روه‌ها 5.938 كیلۆگرام له جۆری حه‌شیش بوه.
عەقید سەلام عبدالخالق، وتەبێژی دەزگای ئاسایشی هەرێم ئه‌مڕۆ پێنجشه‌ممه له كۆنگره‌یه‌كی ڕۆژنامه‌وانیدا ڕایگه‌یاند، "1 كیلۆگرام مادده‌ی هۆشبه‌ر له‌ناوده‌برێت و ده‌ستوێنرێت، دوای ئه‌وه‌ی له ماوه‌كانی رابردودا ده‌ستیان به‌سه‌ردا گیراوه و بڕیاری كۆتایی دادگاشی بۆ وه‌رگیراوه".
ئاماژه‌ی به‌وه‌شكرد، هه‌ر ئه‌مڕۆ ئه‌و مادده هۆشبه‌ره له‌ناوده‌برێت و لیژنه‌یه‌كی چاودێریش پێكهێنراوه كه پێكهاتوه له سەرۆکایەتی دادگای سلێمانی، بەڕێوەبەرایەتی گشتی نەهێشتنی ماددە هۆشبەرەکانی دەزگای ئاسایشی هەرێم و بەڕێوەبەرایەتی گشتی تەندروستی سلێمانی.
عەقید سەلام عبدالخالق ده‌ڵێت، 398.305 كیلۆگرام له‌و مادده‌ی له جۆری كریستاڵ بوه، هه‌روه‌ها 184.117 كیلۆگرام له جۆری هیرۆین بوه، 147.919 كیلۆگرام له‌جۆری تلیاك، 5.938 كیلۆگرام له جۆری حه‌شیش بوه.