هەرێم نیوز
ئەمڕۆ هەینی لە پیرەمەگروون کەسێک بە بەرد دراوسێکەی خۆی کوشت، پۆلیسی سلێمانیش بکوژەکەی دەستگیر کرد.
پۆلیسی سلێمانی ڕایگەیاند: دوای ئەوەی بەیانی ئەمڕۆ زانیاری گەیشتە دەست مەفرەزەكانی بنكەی پۆلیسی پیرەمەگرون كە لە گەڕەكی ئاسۆس لە شارۆچكەی پیرەمەگرون شەڕ ڕویداوەو كەسێك بریندارە ، هێزەكانی پۆلیس دەستبەجێ گەیشتنە شوێنی ڕوداوەكەو بریندار بۆ نەخۆشخانە گواسترایەوە كە بەرد كێشرابوو بەسەریدا، بەڵام بەهۆی سەختی برینەكەیەوە گیانی لەدەستدا.
دەشڵێت، لێكۆڵینەوەو بەدواچوونەكانی پۆلیسی بۆ دۆزینەوەو دەستگیركردنی تۆمەتبار دەستیپێكرد ، سەرەنجام توانرا لەماوەی كەمتر لە یەك كاتژمێر تۆمەتبار بدۆزرێتەوەو دەستگیربكرێت.
بەوتەی پۆلیس، لە ئێستادا تۆمەتبار ( س، ح ، ع لەدایكبووی 1980 ) بەبڕیاری بەڕێز دادوەرو بەپێی ماددەی 405 لەیاسای سزادانی عیراقی ڕاگیراوەو لێكۆڵینەوە لە ڕووداوەكە بەردەوامە.