دواین هەواڵ

کوردستان‌

 1 رۆژ پێش ئێستا

محەمەد حاجی مەحمود: بەغدا بۆی بكرێت ناهێڵێت هەواش هەڵمژین

هەرێم نیوز 

سەرۆكی پارتی سۆسیال دیموكراتی كوردستان ڕایدەگەیەنێت، دەبێت هەرێم خۆی بیر لەوە بكاتەوە چارەسەری كێشەی مووچەی خۆی بكات و دەشڵێت: پەرلەمان هەڵناوەشێتەوە.

محەمەد حاجی مەحمود، سەرۆكی پارتی سۆسیال دیموكراتی كوردستان بۆ ڕۆژنامەنووسان وتی، “من چەند جارێك باسی ئەوەم كردووە، بەغدا ئامادە نییە لەگەڵ كورد ڕێكبكەوێت و بۆی بكرێت ناهێڵێت هەواش هەڵمژین”.

ڕاشیگەیاند، دەبێت هەرێم خۆی بیر لەوە بكاتەوە چارەسەری كێشەی مووچەی خۆی بكات.

سەبارەت بە هەڵبژاردن ئاماژەی بەوەكرد، پێویستە كورد وەكو عێراق بیر بكاتەوە ، لە عێراق چەندین لیستی گەورە هەیە، بۆیە پێویستە كورد بەتایبەت لە ناوچە دابڕاوەكان پێكەوەبن و ڕەنگە كاریگەری باشتری هەبێت.

سەبارەت بە هەڵوەشاندنەوەی پەرلەمانی كوردستان و سكاڵای بەردەم دادگای فیدڕاڵی وتی، “پەرلەمان هەڵناوەشێتەوە و ڕەنگە لەناو هەر میللەتێك نەخۆشی تیابێت”.

سەبارەت بە قەمسەڵەكەی دەڵێت: “تا ئەمشەویش باران باریوە و قەمسەڵەكەی بەرم تاوەكو 25ی 5 لەبەرم دەمێنێتەوە”.



Copyright © 2020 All Rights Reserved Designed And Developed By AVESTA GROUP