هەرێم نیوز
دوای ڕووداوەکانی 16ـی ئۆکتۆبەر، بارەگای مەکتەبی ڕێکخستنی پارێزگای کەرکووک-گەرمیانی پارتی دیموکراتی کوردستان لە گەڕەکی عەرەفەی پارێزگای کەرکووک دەکرێتەوە، بەرپرسانی مەکتەبەکەش دەڵێن: دەبینە مایەی تەبای و ئاشتی و پێکەوە ژیان لە کەرکووک.
ئەمڕۆ بە ئامادەبوونی ژمارەیەک لە ئەندامانی سەرکردایەتی پارتی دیموکراتی کوردستان بارەگای مەکتبی ریکخستنی کەرکووک – گەرمیانی پارتی دیموکراتی کوردستان کاریەوە.
رۆژی شەممە 5ـی نیسانی 2025 دوای نزیکەی هەشت ساڵ لە داخستنی مەکتەبی رێکخستنی کەرکووک – گەرمیانی پارتی دیموکراتی کوردستان کە بەهۆی هێرشەکانی 16ـی ئۆکتۆبەری ساڵی 2017 داخرابوو، لە رێوڕەسمێکی گەورە و شایستەدا بە ئامادەبوونی ژمارەیەکی بەرچاو لە ئەندامانی سەرکردایەتی پارتی دیموکراتی کوردستان جارێکی دیکە ئەو بارەگایە دەکرێتەوە.
لە رێوڕەسمەکەدا ژمارەیەکی بەرچاو لە ئەندامانی سەرکردایەتیی، کادیر و جەماوەری پارتی دیموکراتی کوردستان بەشدارن و هاووڵاتییانی شاری کەرکووک بە دروستکردنی ئاڵایەکی گەورەی کوردستان پێشوازییان لە کردنەوەی بارەگاکە کردووە.
هیوا ئەحمەد بەرپرسی مەكتەبی رێكخستنی كەركوك - گەرمیانی پارتی لە کۆنگرەیەکی ڕۆژنامەوانیدا رایگەیاند: ئەمڕۆ دوای ( 8 ساڵ بارەگای مەكتەب رێكخستنی (كەركوك - گەرمیانی) پارتیمان لە كەركوك كردەوە.
وتیشی: دۆخەكە زۆر هەستیارە، دڵنیابن بەشێك دەبین لە چارەسەری كێشەكان و سەرئێشە نابین بۆ هیچ كەسێك.
ئەمەش لە کاتێکدایە، دوای رووداوەکانی 16ـی ئۆکتۆبەر، هێزە عێراقییەکان دەستیان بەسەر بارەگاکانی پارتی لە کەرکووکدا گرتبوو، بەوهۆیەوە پارتی هەموو چالاکییە حزبییەکانی لە سنووری ئەو پارێزگایە ڕاگرتبوو، بەشداری هیچ هەڵبژاردنێکیشی نەکرد.