هەرێم نیوز
تورکیا دەڵێت، ئیسرائیل سەقامگیری ناوچەکە دەشێوێنێت و برەو بە ئاژاوەو تیرۆر دەدات، دەشڵێت پێویستە ئیسرائیل لە سوریا بکشێتەوە.
وەزارەتی دەرەوەی توركیا ڕایگەیاندووە، هێرشەکانی ئیسرائیل بۆ سەر وڵاتانی ناوچەکە دەیکاتە گەورەترین هەڕەشە بۆ سەر ئاسایشی هەرێمایەتی.
دەشڵێت، ئەو لێدوانە ئیستفزازیانەی وەزیرانی ئیسرائیل بەرامبەر بە وڵاتەکەمان دەیدەن، رەنگدانەوەی ئەو دۆخە دەروونییەیە تيايدا دەژین.
ئەم لێدوانە دوای ئەوە هات، گیدیۆن ساعر، وەزیری دەرەوەی ئیسرائیل رایگەیاندبوو، توركیا ڕۆڵێكی نەرێنی دەگێڕێت لە سوریا و لوبنان و، له تەواوی ناوچەکەو ناوچەکانی تری جیهان بەدوای ڕۆڵدا دەگەڕێت.
هەروەها وتیشی، توركیا هەڵوێستی دوژمنکارانەی هەیە بەرامبەر بە ئیدارەی خۆسەری کورد لە باکوری سوریا "ڕۆژئاوا"، هەموو هەوڵێک دەدات بۆ ئەوەی سوریا بخاتە ژێر کۆنترۆڵی خۆیەوە.
وەزیری دەرەوەی ئیسرائیل جەختی لەوە کردەوە، سوریا پێشتر بەوەکالەت لەلایەن ئێرانەوە بەڕێوەبراوە، نامانەوێت ببێتە پاشكۆی تورکیا.