هەرێم نیوز
بەرپرسانی تەندروستیی غەززە دەڵێن، لە ئەنجامی هێرشی ئاسمانی ئیسرائیل بۆ سەر قوتابخانەی دار ئەلئەرقام لە باکوری شاری غەززە، "لانی کەم 27 کەس کوژران کە چەند ژن و منداڵێکیان تێدایە".
ئیسرائیل هێزەکانی حەماس تۆمەتبار دەکات بەوەی ئەو قوتابخانەیە وەک بنکەی مەشق و ڕاهێنان بەکاردەهێنن و خەڵکی سڤیل دەکەنە قەڵغان.
حەماسیش لای خۆیەوە ڕەتیکردەوە ئۆپەراسیۆنی سەربازی بە کەڵک وەرگرتن لە خەڵکی مەدەنی ئەنجام بدات.
هاوکات لەگەڵ ئەم هێرشە، سوپای ئیسرائیل ئۆپەراسیۆنی زەمینی خۆی لە باکور و ڕۆژهەڵاتی لە ڕۆژی پێنجشەممە دەستپێکرد. ئیسرائیل ڕایگەیاندووە کە مەبەست لە گواستنەوەی هێزەکانی "فراوانکردنی ناوچەی ئەمنی"یە لە ناو کەرتی غەززە.
سوپای ئیسرائیل لە بەیاننامەیەکدا ڕایگەیاند: سەربازانی سوپا چوونە ناو گەڕەکی شوجاعیە لە ڕۆژهەڵاتی شاری غەززە. ئاماژەی بەوەشکردووە، "رێگەیان بە هاوڵاتیانی مەدەنی داوە لە ڕێگەی ڕێگەی دیاریکراوەوە ناوچەکە بەجێبهێڵن".