دواین هەواڵ

ڕاپۆرت و چاوپێکەوتن‌

 1 رۆژ پێش ئێستا

دەنگۆی بڵاوبوونەوەى هەزاران چەکدارى سەر بە تورکیا لە کەرکوک و موسڵ هەراى ناوەتەوە

هەرێم نیوز 

هەرچەندە پرۆسەى چارەسەرکردنى پرسی کورد لە تورکیا هەر ماوەناماوەیەک گەرم دەکرێتەوەو هەنگاوێک دەچێتە پێشەوە بەڵام پاساوى نائارامی سنوورەکان و ئاسایشى نەتەوەیی تورکیا بایی ئەوەیە کە بەردەوام چاوێکى لەسەر جموجوڵى نەیارەکانى بێت، ئەمەش بووەتە جێگەى نیگەرانى میلشیا و پات و لایەنەکانى سەر بە ئێران لەعێراق و کردوویانەتە دەستگیرێک بۆ ئەوەى بدەن لە حکومەتەکەى سودانى.

رۆژنامەى عەرەبی چاپی لەندەن نوسیویەتى دەستێوەردانەکانى تورکیا لە هەردوو وڵاتى دراوسێى عێراق و سوریا تادێت زیاتر دەکات و خەریکە دەبێتە جێگە نیگەرانى ئەو هێزانە عێراقییانەى کە لە ئێرانەوە نزیکن و ئەوانیش فشارەکانیانیان بۆ سەر حکومەتەکەى سودانى چڕتر کردووەتەوە.

لە راپۆرتێکدا ئاماژەى بە لێدوانێکى قەیس خەزعەلى ئەمینداری گشتى عەسائیبی ئەهلی حەق کردووە کە  دەڵێت: تورکیا لەنێوخاکی عێراقدا میلشیاى تایبەتى دروستکردووە و پەیوەندییەکانى نێوان عێراق و تورکیاى لەسەر کەمکردنەوەى هەژموونى ئێران لە عێراق هەژمارکردووە.

راشیگەیاندووە ،پێدەچێت لەم ماوەیەدا سودانى بچێتە تورکیا و دواتریش ئەردۆغان سەردانى عێراق بکاتەوە و تەوەرى سەرەکیش پەرەپێدانى میلشیاکانى تورکیا دەبێت لە عێراق، بەتایبەتى لەوناوچانەی کە زۆرینەیان تورکمانن،

خەزعەلى رایگەیاندووە: تورکیا مەترسییەکى گەورەیە لە سەر عێراق بۆ ئەو مەبەستە لە هەردوو پارێزگاى کەرکوک و موسڵ هەزاران چەکداری بڵاوەپێکردووە، بەڵام هێشتا رانەگەیەنراوە، ل

ەبارەى بوونى هێزەکانى تورکیاوە لە هەرێمی کوردستان و سنوورەکان رایگەیاندووە، ئەو هێزە ئاشکرایانەى کە تورکیا لە کوردستان هەن بە بڕیارو  چراى سەوزی عێراق لەوێن ، خەزعەلى هێندە پشت ئەستوورە بە زانیارییەکانى دەڵێت لەم ماوەیەدا بەشێک لەو کەسانە دەنێردرێنە تورکیا بە مەبەستى راهێنان و مەشقپێکردنیان.



Copyright © 2020 All Rights Reserved Designed And Developed By AVESTA GROUP