هەرێم نیوز
سەرۆكی ئەمریكا بە ژمارەیەك لە كەسە نزیكەكانی خۆی ڕاگەیاندووە، کە ئیلۆن مەسك بەمزوانە كۆشكی سپی جێدەهیڵێت.
بەپێی هەواڵی ڕۆژنامەی پۆلەتیكۆی ئەمریكی، دۆناڵد ترەمپ، سەرۆكی ئەمریكا بە ژمارەیەك لە ئەندامانی كابینەكەی و كەسانی نزیكی خۆی وتووە كە ئیلۆن مەسك ملیاردێر و بەڕێوەبەری بەڕێوەبەرایەتیی كارامەیی ئەمریكا بەم نزیكانە كابینەكەی بەجێدەهێڵێت.
ئەوەشی بڵاوکردووەتەوە، ترەمپ و مەسك لەم چەند ڕۆژەی رابردوودا تاوتوێی ئەو بابەتەیان كردووە و بڕیارەیان داوە، كە مەسك بگڕێتەوە سەر كاری بازرگانی خۆی، بەڵام ئاماژە بەوە نەكراوە پێش وادەكەی خۆی وازدەهێنێت كە 130 ڕۆژە یاخود زووتر.
هاوكات دوای بڵاوكردنەوەی راپۆرتەكە، پشكی چەند كۆمپانیایەك لە ناویاندا بەڵێندەرانی حكومی بەرز بوونەوە و پشكی كۆمپانیای تێسلا بە ڕێژەی 5% بەرز بووەوە.
پێشتر ترەمپ، لەبارەی وازهێنانی مەسك لە كابینەكەی ڕایگەیاندبوو، پێی وایە مەسك كەسێكی تایبەتە و كۆمپانیاییەكی گەورەی هەیە و دەبێت بگەڕێتەوە سەر کارە بازرگانییەكەی.