هەرێم نیوز
جان نویل بارۆت ڕایگەیاند، ئەگەر رێككەوتن نەكرێت روبەڕوبونەوەی سەربازی نیمچە مسۆگەرە.
جان نویل بارۆت، وەزیری دەرەوەی فەرەنسا رایگەیاند، ئەگەری گەیشتن بە رێککەوتنێکی نوێ بۆ راگرتنی بەرنامە ئەتۆمییەکەی ئێران سنوردارە و، روبەڕوبونەوەی سەربازی نیمچە مسۆگەرە، ئەگەر ئەو رێككەوتنە بەدی نەهێنرێت.
وەزیری دەرەوەی فەرەنسا، لە دانیشتنی پەرلەمانی وڵاتەكەیدا وتی، تەنیا چەند مانگێک ماوە بۆ كۆتایهاتنی رێککەوتنە، وەك ئاماژەیەك بۆ رێککەوتنە ئەتۆمییەکەی پێشوی ئێران کە لە ساڵی ٢٠١٥ واژو کرابوو.