هەرێم نیوز
سکرتێری گشتیی ناتۆ ڕایگەیاند، رووسیا پێشنیازی ئەمریکای بۆ ئاگربەست رەتکردووەتەوە.

 ئەمڕۆ چوارشەممە، مارک رووتە، سکرتێری گشتیی ناتۆ لەبارەی ئاگربەستی ئۆکراینا ڕایگەیاند، دەبێت دڵنیابینەوە کە جەنگی ئۆکراینا کۆتایی دێت، باشترین شت ئەوەیە رووسیا لە خاکی ئۆکراینا بکشێتەوە، بەڵام ئەوە دەزانن کە رووسیا لە خاکی وڵاتەکە ناکشێتەوە.

سکرتێری گشیی ناتۆ لەبارەی هاوپەیمانێتییەکەیان لەگەڵ ئەمریکا باسی لەوەشکرد، "هاوپەیمانێتیمان لەگەڵ ئەمریکا بەردەوام دەبێت و پابەندییەکە بەتەواوی روونە."

رۆژی سێشممە (18-3-2025) دۆناڵد ترەمپ، سەرۆکی ئەمریکا و ڤلادیمیر پووتین، سەرۆکی رووسیا پەیوەندییەکی تەلەفۆنیی 90 خولەکییان کرد، پووتین بە ئاگربەستێکی 30رۆژە بۆ راگرتنی هێرش لەسەر کەرتی وزەی ئۆکراینا رازیبوو.

رۆژێک دواتر مۆسکۆ و کیێڤ 372 دیلی جەنگیان ئاڵگۆڕکرد، مۆسکۆ رایگەیاند، "ئەمە، ئاماژەی نیەتپاکییە."