هەرێم نیوز
خالید محەممەد ڕایگەیاند، 52 بەندکراو مۆڵەتییان پێدراوە و بۆ هەفتەیەک ڕۆژانی چەژن لەگەڵ خێزانەکانیان بەسەر دەبەن.

 ئەمڕۆ دووشەممە، 31-3-2025، خالید محەممەد، وتەبێژی چاکسازییەکانی هەرێمی کوردستان لە لێدوانێکدا ڕایگەیاند، لە هەرێمی کوردستان بە بۆنەی جەژنی ڕەمەزانەوە 52 بەندکراو مۆڵەتییان پێدراوە و بۆ هەفتەیەک ڕۆژانی چەژن و چەند ڕۆژێکی دیکە لەگەڵ خێزانەکانیان بەسەر دەبەن.
ڕوونیشیکردەوە، ئەو بەندکراوەنەی مۆمەڵەتیان پێدراوە لەگەڵ خێزانەکانیان بەشداری جەژنی ڕەمەزان بکەن بەم شێوەیە؛ 
-        هەولێر 24 بەندکراو.
-        سلێمانی 17 بەندکراو
-        دهۆک 11 بەندکراو.

لە بارەی ئەو بەندکراوانەی مۆڵەتییان پێدراوە، ڕایگەیاند، ئەو بەنداکراوانەی سزای قورسیان بەسەر سەپێندراوە، مۆڵەتییان پێدەدرێت، بەڵام بەومەرجەی زیاتر لە سێ لەسەر چواری ماوەی سزاکانیان تێپەڕاند بێت.

جەختی لەوەشکردەوە، پێویستە بەندکراو لە کاتی وەرگرتنی مۆڵەت و چوونە ماڵەوە کەفیلی کەسی و ماددیان هەبێت، هاوکات لەو ماوەیەی مۆڵەتن ڕۆژانە لە نزیکترین بنکەی پۆلیسی ماڵەکەیدا پەنجەمۆر بکات.

دەشڵێت، تەنیا سزادراوانی کوشتن و تیرۆر ناتوانن ئەو مۆڵەتە وەربگرن.