هەرێم نیوز 

ڕوانگەی سووریا بۆ مافی مرۆڤ ڕایگەیاند، ئەمڕۆ هێزەکانی هەسەدە و هێزەکانی سووریا، تەرم و دیلەکانی یەکتر دەگۆڕنەوە، دەشڵێت، 100 دیلی دەستی هەسەدە بەرامبەر بە 150 دیلی دەستی هێزەکانی سووریا دەبێت. 

ئەمڕۆ پێنجشەممە 3ـی 4ی 2025،ڕوانگەی سووری بۆ مافی مرۆڤ ئاشکرای کردووە، 100 دیلی دەستی هەسەدە و 150 دیلی دەستی هێزەکانی سووریا ئاڵوگۆڕیان پێ دەکرێت. 

ڕوانگەی سووری بۆ مافی مرۆڤ ڕایگەیاندووە، پرۆسەکە ئازادکردنی دیلەکان و ڕادەستکردنەوەی تەرمەکان دەگرێتەوە کە لەماوەی ڕابردوو لە بەرەی بەنداوی تشرین و پردی قەرەقوزاق لە دەورووبەری حەلەب لە 12ـی کانوونی یەکەمەوە تا دوایین ڕووبەڕووبوونەوە، کوژراون.

باسی لەوەش کردووە، هێزەکانی سووریای دیموکرات 40 تەرمی چەکدارانی خۆی لە هێزەکانی سووریا وەردەگرێتەوە، بەرامبەر ئازادکردنی 25 دیل کەلەنێوانیاندا چوار تورک هەن.