هەرێم نیوز 

هاتووچۆی هەولیر بڕیاری کۆتایی لەسەر هاتووچۆی بەرهەڵگر لە ڕۆژانی هەینی و پشووە فەرمییەکان دا و دەڵێت”تا 1ی11ی 2025 قەدەغەیە هاتووچۆ بکەن”.

بەڕێوەبەرایەتی هاتووچۆی هەولیر، لە بڵاوکراوەیەکدا ڕایگەیاند، ئاگاداری شوفێرانی بارهەڵگر و ماتۆڕسیکل دەکەینەوە، تا بەرواری 11ی 2025 هەموو ڕۆژانی هەینی و پشوە فەرمیەکان هاتووچۆی ئۆتۆمبێلی بارهەڵگر و ماتۆرسیکڵ قەدەغەیە.

بەپێی بڵاوکراوەکەی هاتووچۆی هەولێر،  لە کاتژمێر (7ی بەیانی تا 12ی شەو) هاتووچۆی ئەو دووجۆر سوارڕەوە لەو ڕێگایانەی کە دەکەونە سەر شوێنە گەشتیاری و سەیرانگاکان قەدەغەیە.

هەر لە بڵاوکراوەکەدا هاتووە، ئەم بڕیارە لەپێناو بەرژەوەندی گشتی ودرووست نەبونی جەنجاڵی و ئاستەنگی هاتووچۆ و سەلامەتی گەشتیارانە لەم ڕێگایانە.