هەرێم نیوز
بەڕێوەبەری گشتی بازرگانی هەرێم رایگەیاند، بۆ مانگی رەمەزان ئاردی سفر و هێلکە زیاد دەبێت، دەشڵێت، هەرکەسێک کارتی نیشتیمانی نەبێت یان مووچەی سەروو دوو ملیۆن بێت بەشەخۆراکی مانگانەی پێنادرێت و رادەگیرێت.
ئەمڕۆ پێنجشەممە 30ی1ی 2025، نەوزاد شێخ کامل بەڕێوەبەری گشتی بازرگانی هەرێمی کوردستان لە لێدوانێکیدا رۆژنامەوانیدا رایگەیاند، دەستمان بەدابەشکردنی بەشی یەکەمی خۆراک کرد لە ساڵی ٢٠٢٥ و هەر کەس مووچەی سەروو دوو ملیۆن بێت بەشە خۆراکی رادەگیرێت.
ئاماژەی بەوەشکردووە، بۆ مانگی ڕەمەزان ئاردی سفر و هێلکە زیاد دەبێت ، وتیشی، ئەگەر ئەمساڵ هیچ گەنمێکیش وەرنەگیرێت کێشەی گەنمان نابێت وەک عێراق و هەرێم و سایلۆکانمان پڕن.
باسی لەوەشکرد، لە نزیکترین کاتدا لە هەموو هەرێم کارتی ئەلکترۆنی لە بری فۆرمی خۆراک دەستپێدەکات، ئەوەشی خستەڕوو، بەردەوام داوای بەرزکردنەوەی کوالیتی خۆراک دەکەین.