هەرێم نیوز

ئەمڕۆ یەکشەممە، بەڕێوەبەرایەتی گشتیی کارەبای سلێمانی رایگەیاند، لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (ستییەکان) کۆبوونەوەیەکی سازکرد و تیایدا نرخی کیلۆواتی کارەبای مۆلیدەی بۆ مانگی كانوونی دووەم (1) دیاریکرد، کە بریتییە لە (272) دینار بۆ هەر کیلۆواتێک.

کارەبای سلێمانی رایگەیاندووە، لیژنەی باڵای دیاریکردنی نرخی کارەباى کۆمەڵگەکانى نیشتەجێبوون 'سیتییەکان' کۆبوونەوە و تیایدا نرخی کارەبای مۆلیدەیان دیاری کرد.
ئاماژەی بەوەشکرد، بۆ مانگی کانوونی دووەم، نرخی یەک کیلۆوات کارەبا بە 272 دینار دیاری کراوە.

ئەوەش هاتووە، نرخەکە بەگوێرەی نرخی گاز لە بازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە، دیاری کراوە.

کارەبای سلێمانی دەشڵێت، پێویستە سەرجەم ستیيەکانی سنووری پارێزگای سلێمانی پابەندبن بە نرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە.