هەرێم نیوز
بەهۆی بۆردومانی فڕۆكەكانی توركیاوە، دو هاوڵاتی مەدەنی لە شارۆچكەی دینارتەی سەر بە قەزای ئاكرێ لە پارێزگای دهۆك شەهیدبون كە بەگوێرەی زانیارییەكان، ئەو دو كەسە خەڵکی گوندی بامشمش-ن لە سنوری قەزای ئاکرێی.
ئەمڕۆ دووشەممە، فڕۆکەکانی تورکیا سنووری ناحیەی دینارتەی سەر بە قازای ئاکرێیان بۆردومان کرد و لە ئاکامدا پیاوێک بە ناوی جەعفەر جەلال لەگەڵ هاوسەرەکەیدا گیانیان لەدەستدا.
بە پێی زانیارییەکان، قوربانییەکان خەڵکی گوندی بامشمشی دینارتە بوون.
تا ئێستا سوپای تورکیا دەیان هاووڵاتی هەرێمی کوردستانی کردووەتە قوربانیی ئەو هێرش و پەلامارانەی بە پاساوی بوونی بارەگاکانی پەکەکەوە ئەنجامیان دەدات.