هەرێم نیوز
ئاژانسی هەواڵی هاوار ڕایگەیاند کە دوو ڕۆژنامەنووسیان لەلایەن فڕۆکەی تورکیاوە لە ڕۆژئاوای کوردستان کوژراون.
ئاژانسەکە دەڵێت" پەیامنێری ئاژانسەکەمان، جیهان بێلکین، بە یاوەری نازم دەشتان، دوێنێ پێنج شەممە لە کاتی ئەنجامدانی کاری ڕۆژنامەوانییاندا هێرشکراوەتە سەریان".
دەشڵێت ئەو دوو ڕۆژنامەنووسەیان بەدواداچوونیان بۆ هێرشەکانی تورکیا و گروپەکانی کردووە بۆ سەر بەنداوی تیشرین و پردی قەرقۆزاک، کە فڕۆکەیەکی بێفڕۆکەوانی دەوڵەتی تورکیا لە کاتژمێر (٣:٢٠) خولەکی پاشنیوەڕۆ ئۆتۆمبێلێکی کردە ئامانج کە تێیدا دەڕۆیشتن لەسەر ڕێگای بەستنەوەی بەنداوی تیشرین و شارۆچکەی سارین، ئەمەش بووە هۆی گیان لەدەستدانیان و برینداربوونی شۆفێری ئۆتۆمبێلەکەیان بەناوی عەزیز حاج بوزان.