هەرێم نیوز
فەرماندەی هێزەکانی سوریای دیموکرات ڕایگەیاند، ئامادەیی خۆمان ڕادەگەیەنین بۆ پێشکەشکردنی پێشنیارێک بۆ دامەزراندنی ناوچەیەکی بێچەک لە شاری کۆبانی.
مەزڵووم عەبدی، فەرماندەی هێزەکانی سوریای دیموکرات لە بڵاوکراوەیەکدا ڕایگەیاند، وەک پشتڕاستکردنەوەی پابەندبوونی تەواوەتی خۆمان بۆ ئاگربەستێکی هەمەلایەنە لە سەرتاسەری سووریا، ئامادەیی خۆمان ڕادەگەیەنین بۆ پێشکەشکردنی پێشنیارێک بۆ دامەزراندنی ناوچەیەکی بێچەک لە شاری کۆبانی، لەگەڵ دووبارە دابەشکردنەوەی هێزە ئەمنییەکان لەژێر چاودێری و ئامادەبوونی ئەمریکادا.
ئاماژەی بەوەشکرد، ئەم دەستپێشخەرییە ئامانجی چارەسەرکردنی نیگەرانییە ئەمنییەکانی تورکیا و دەستەبەرکردنی سەقامگیریی هەمیشەییە لە ناوچەکەدا.