هەرێم نیوز

ڕۆژی چوارشەممە 23ی تشرینی یەكەمی 2024 لە سەلاحەددین  بارزانی پێشوازی لە ئەلبرێشت فۆن ڤیتكە كونسوڵی گشتیی نوێی ئەڵمانیا لە هەولێر كرد.

لە دیدارەكەدا كونسوڵی گشتیی ئەڵمانیا لە هەولێر پیرۆزبایی لە بارزانی كرد بۆ بەڕێوەچوونی سەركەوتوانەی پڕۆسەی هەڵبژاردنی خولی شەشەمی پەرلەمانی كوردستان و بە هەنگاوێكی گرنگی هەرێمی كوردستان بۆ قۆناغێكی تازەی ژیانی سیاسی وەسف كرد.

هەر لەو دیدارەدا بیروڕا لەبارەی بارودۆخی سیاسی و دواپێشهاتەكانی عێراق و ناوچەكە و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ و هەروەها هەنگاوەكانی دوای پڕۆسەی هەڵبژاردنی پەرلەمانی كوردستان و پێكهێنانی حكوومەتی تازە ئاڵوگۆڕ كرا.

هەر لە دیدارەدا  بارزانی هیوای سەركەوتنی بۆ كونسوڵی گشتیی نوێی ئەڵمانیا لە هەولێر خواست لە ئەرك و كارەكانیدا و هەروەها هیوای ئەوەشی خواست پەیوەندییەكانی نێوان هەرێمی كوردستان و ئەڵمانیا گەشەی زیاتر بەخۆیەوە ببینێت.