هەرێم نیوز
وتەبێژی پۆلیسی گەرمیان ڕایگەیاند، منداڵێکی 12 ساڵان لە ئاوی باڵەجۆی گوندەکەیان خنکاوە.
عەلی جەمال قدوری، وتەبێژی پۆلیسی گەرمیان لە بڵاوکراوەیەکدا ڕایگەیاند، ئێوارەی ئەمڕۆ تەرمی منداڵێکی 12 ساڵان گەیەندرایە پزیشکی دادوەریی قەزای کەلار کە بەهۆکاری خنکان لە ئاودا گیانیلەدەستدابوو.ئاشکراشیکرد، بە وتەی کەسوکاری، کە دانیشتووی گوندی باریکەن سەر بە ناحیەی قۆرەتوو، ئێوارەی ئەمڕۆ منداڵەکەیان لە ئاوی باڵەجۆی گوندەکەیان خنکاوە.
ئاماژەی بەوەشکرد، پۆلیس لەسەر رووداوەکە دەستی بە لێکۆڵینەوە کردووە.