هەرێم نیوز
رۆژی 18ی ئەم مانگە دەنگدانی تایبەت لە هەرێمی كوردستان و چەند شارێكی عێراق، بۆ پەرلەمانی كوردستان دەست پێدەكات.
بڕیارە رۆژی هەینی 18ی10ی2024، پرۆسەی دەنگدانی تایبەت لە 11 پارێزگای عێراق بۆ پەرلەمانی کوردستان بەرێوە بچێت و زیاتر لە 215 هەزار کەس مافی دەنگدانی هەیە.
بۆ یەکەم جاریش لە دەرەوەی هەرێمی کوردستان دەنگدەران دەتوانن دەنگ بدەن، جگە لە چوار پارێزگاکەی هەرێمی کوردستان لە هەشت پارێزگای دیکەش دەنگدەرانی تایبەت دەتوانن دەنگ بدەن.
بنکەکان بەم شێوە دابەش کراون:
هەولێر زۆرترین دەنگدەری تایبەتی هەیە کە 62 بنکەی دەنگدان و 306 وێستگەی دەنگدانی هەیە. هەروەها لە سلێمانی 57 بنکەی دەنگدان و 276 وێستگەی دەنگدانی هەیە، لە دهۆکیش 33 بنکەی دەنگدان و 142 وێستگەی دەنگدان هەیە، سەبارەت بە هەڵەبجەش یەک بنکەی دەنگدان و سێ وێستگەی دەنگدان هەیە.