هەرێم نیوز
كونسوڵخانەی ئەمریكا لە هەولێر راگەیەندراوێكی لەبارەی هەڵبژاردنی پەرلەمانی كوردستان بڵاوكردەوە و دەڵێت: هانی هاوڵاتیان دەدەین بەشداری دەنگدان بکەن.
كونسوڵخانەی ئەمریكا لە هەولێر رایگەیاند، هەڵبژاردنی ئازاد و دادپەروەرانە بنچینەی دیموكراسی گەشەسەندووە و هاووڵاتیان دڵنیادەكاتەوە لەوەی لە داڕشتنی داهاتوویان دەنگیان هەیە.
دەشڵێت، هانی هاوڵاتییانی هەرێم دەدەن لە 20ی تشرینی یەكەم بەشداری هەڵبژاردن بكەن.
بەپێی مەرسومی هەرێمی، بڕیارە لە بەرواری 20-10-2024 شەشەمین خولی هەڵبژاردنی پەرلەمانی کوردستان بەڕێوەبچێت.
هەر ئەمڕۆش کۆمیسیۆن ڕایگەیاند، کە هەفتەی داهاتوو وادەی بانگەشەی هەڵبژاردن دەستنیشان دەکەین.