هەرێم نیوز
جێگری سەرۆكی حكومەتی هەرێم رایگەیاند، دەستكراوە بە ناردنی پارەی تەرخانكراو بۆ مووچەی مووچەخۆرانی هەرێم، دەشڵێت، لە نێوان هەردوو دیوانی چاودێریی دارایی هەرێم و بەغداد تێبینی لەسەر لیستی مووچە هەبووە و ئەوەش بەرەو چارەسەربوون دەچێت.
قوباد تاڵەبانی، جێگری سەرۆکی حکومەتی هەرێمی کوردستان لە كۆنفرانسێكی رۆژنامەوانیدا لە شاری سلێمانی رایگەیاند، لەنێوان هەردوو دیوانی چاودێریی دارایی هەرێم و بەغداد تێبینی لەسەر لیستی مووچە هەبووە و ئەوەش بەرەوچارەسەربوون دەچێت.
وتیشی، "دەستكراوە بە ناردنی پارەی تەرخانكراو بۆ مووچەی مووچەخۆرانی هەرێم و ناردنی مووچە بەردەوامدەبێت.
ئەم لێدوانەی قوباد تاڵەبانی لەکاتێکدایە، ئەمڕۆ دووشەممە، وەزیری دارایی هەرێم پێشوازی کرد لە شاندێکی هاوبەشی دیوانی چاودێری دارایی عێراق و هەرێمی کوردستان و ڕایگەیاند، هەماهەنگی باشمان لەگەڵ تیمە هاوبەشەکانی دیوانی چاودێری دارایی هەیە.