هەرێم نیوز
شارەوانیی شاری كەركووک مەلەوانی لەنێوڕووباری خاسە قەدەغە دەكات.
بۆ ڕێگریكردن لە خنكانی هاوڵاتیان، شارەوانیی كەركووک بڕیاری قەدەغەكردنی مەلەوانی لەنێو حەوزی ئاوی ڕووباری خاسە دەدات و شوێنەكە سیاج دەكات و تابلۆی ئاگاداركردنەوەش دادەنێت.
شارەوانی كەركووک ئاماژەی بەوە داوە كە پڕۆژەی نۆژەنكردنەوەی ڕووباری خاسە دەستی پێكردووە و پڕۆژەكە بریتییە لە دروستکردنی ناوچەی سەوزایی، دروستکردنی ڕێڕەوی ڕۆیشتن و ڕاکردن، دانانی ستوونی ڕووناکی، چاندنی نەمام و گوڵ کە لە چوارچێوەی پڕۆژەکانی ئاسایشی خۆراک جێبەجێ دەکرێت.