هەرێم نیوز
وەزارەتی تەندروستی غەززە رایگەیاند، ژمارەی کوژراوانی غەززە نزیکبووەتەوە لە 40 هەزار کەس و زۆرینەشیان خەڵکی سڤیلن.
وەزارەتی تەندروستی غەززە ئەمڕۆ سێشەممە له راگهیهندراوێكدا بڵاویکردەوە، ژمارەی قوربانییەکانی جەنگی نێوان ئیسرائیل و حەماس له كهرتی غەززە بۆ زیاتر لە 39 هەزار و 90 کوژراو بەرزبوەتەوە.
ئاماژهی بهوهشكرد، لە ماوەی 24 کاتژمێری کۆتایی تا بەیانی ئەمڕۆ سێشەمە 84 کوژراوی دیکە هەبون، کۆی کوژراوەکان لە 7ـی (تشرینی یەکەم/10)ی 2023 گەیشتوەتە 39 هەزار و 147 کوژراو.
بەگوێرەی ڕاگەیەندراوی وەزارەتەکە، ژمارەی کوژراوانی ئۆپەراسیۆنی خان یونس کە لەلایەن هێزەکانی ئیسرائیلەوە دەستیپێکردوە بۆ 73 کەس بەرزبوەتەوە، لهوانه 24 منداڵ و 15 ژن، ئەوە جگە لەوەی زیاتر لە 270 بریندار ههن.
زیادبونی ژمارهی قوربانیانی مهدهنی لهكاتێكدایه كه سوپای ئیسرائیل لە ڕاگەیاندراوێکدا دەڵێت، فڕۆکە و تانکە سەربازییەکانیان چەکدارەکانی حەماسیان لە خان یونس کردوەتە ئامانج.