دکتۆر عەفان حەمەخان ھەورامی - پزیشکی پسپۆری نەشتەرگەری ئێسک و شکاوی و جومگە و فقرات و رۆماتیزم
ئازارێکی باوە لە ناو خەڵکدا و ھەموو تەمەنەکان ئەگرێتەوە ، لەوانەیە لە ئەنجامی زەبرێک دروست ببێت وەکو پچڕانی بەستەر یان کێشەیەک لە کڕکڕاگە یان شکانی ئەژنۆ.
ھەندێک جار بە خۆپاراستن و پشوودان چارەسەر دەبێت بەڵام لە کاتی ئازاری زۆر و زوو زوو دووبارە بوونەوەی ئازارەکە پێویستە سەردانی پزیشکی پسپۆر بکرێت بۆ وەرگرتنی چارەسەری پێویست بۆ نەخۆشیەکە.
ھۆکارەکانی تووشبوون بە ئازاری ئەژنۆ :
١.زۆر ماندووکردنی ئەژنۆکان بە جوڵەی زۆر و وەرزشی قورس کە ببێتە ھۆی فشاری زۆر لەسەر ئەژنۆکان .
٢.چەند جۆرێکی ڕۆماتیزم کە ئەبێتە ھۆی ئازار و ھەوکردن لە ئەژنۆ ھەروەھا ڕەقبوونی ئەژنۆ .
٣.تووشبوون بە ڕووداوێک کە ببێتە ھۆی زیان گەیاندن بە ئەژنۆ و کڕکڕاگە .
ھەندێک نیشانە کە دەریدەخات کێشەیەک ھەیە لە ئەژنۆکان :
١.ئاوسان و ڕەقبوون.
٢.سووربوونەوەو ھەستکردن بە گەرمی ئەژنۆ لە کاتی دەستلێدان لە ئەژنۆ .
٣.ھەستکردن بە لاوازی و بێھێزی ئەژنۆ .
٤.دەنگی وردبوون و قرتەکردن.
٥.رێک نەبوونەوەی تەواوی ئەژنۆ .
لەکاتی ھەبوونی ئەم نیشانانە پێویستە سەردانی پزیشکی پسپۆر بکرێت بۆ وەرگرتنی چارەسەری تەواو و پێویستی تایبەت بە نەخۆشیەکە.