هەرێم نیوز
ئەو پێکانە سەختەکەی یاریزانی ناوەڕاستی تیپی تۆپی پێی یانەی بەرشەلۆنە لە یاری نێوان هەڵبژاردەی ئیسپانیا بەرامبەر جۆرجیا توشی بوو ،دەبێتە هۆکاری لە دەستدانی تەواوی یارییەکانی ئەم وەرزە
یانە بەرشەلۆنە بە بڵاوکردنەوەی بەیاننامەیەک ڕایگەیاند، ئەنجامی پشکنینی پزیشکی بۆ پابلۆ گاڤی یاریزانی تیپی تۆپی پێی یانەکەمان، پچڕانی بەستەری ئەژنۆی و تەقینی مینیسکی ئەژنۆی ڕاستی پشتڕاستکردووەتەوە لە هەمان کاتتدا.
بەپێی پێشبینی دکتۆرەکان ئەم یاریزانە تەمەن ١٩ ساڵە بەلایەنی کەمەوە بۆ ماوەی حەوت بۆ هەشت مانگ لە ماڵەوە دەمێنێتەوە و ئەمەش مانای ئەوەیە کە نەک تەنها وەرزی ئێستا بۆی کۆتایی هاتووە، بەڵکو دەرفەتی یاوەریکردنی هەڵبژاردەی ئیسپانیا لە یۆرۆی ٢٠٢٤ و ئۆڵۆمپیادی پاریس ٢٠٢٤ لە دەستدەدات.
هەرچەندە پێکانەکەی گاڤی هەواڵێکی ناخۆشە بۆ چاڤی هێرناندێزی ڕاهێنەری یانەی بەرشەلۆنە، بەڵام خۆشبەختانە کە یاریزانی ناوەڕاستکاری هۆڵندی فرێنکی دیۆنگ لە لێواری گەڕانەوەدایە.