هەرێم نیوز
سەرۆکی ئۆکرانیا رایگەیاند، هیچ هیوایەكیان نیە کە روسیا هێرشەكانی بۆ سەروڵاتەكەمان رابگرێت لەئێستاشدا ئامادەکاری دەکات بۆ هێرشێکی دیکە.
ئەمرۆ دووشەممە، ڤۆلۆدیمێر زێلێنسکی لە وتارێکدا بۆ پەرلەمانی کۆریای باشور رایگەیاند، لە هێرشەكانی روسیا بۆسەر شاری ماریۆپۆڵ بە هەزاران کەس کوژراون پێویستە كۆریای باشوور هاوكاری سەربازیمان بكات.
وتیشی، شاری ماریۆپۆڵ وێران بووە و دەیان هەزار کەس لەو شارە کوژراون و سەرەرای ئەوەش روسیا بەردەوامی دەدات بەهێرشەكانی.
ڤۆلۆدیمێر زێلێنسکی ئاشكراشيكرد، زانیاریان هەیە روسيا بە هەزاران سەرباز و چەکی کۆکردوونەتەوە و دەیەوێت هێرش بکات.
سەرۆكی ئۆكراینا ئەوەشی بەپەرلەمانی كۆریای باشور راگەیاند، دابینکردنی هاوکاری سەربازی بۆ ئۆکرانیا نەك تەنیا ژیانی خەڵکی پێ رزگار دەکرێت و شارەکانی دیکەشی پێ رزگار دەکەین، بەڵکو رێگری لە داگیرکارییەکانی روسیا لە شارەکانی دیکەش دەکات.
سەرۆكی ئۆكراینا ئاماژوه‌ی به‌وه‌شكرد، لە باکوورەوە بۆ باشوور هێشتا بۆردومان و هێرشەکانی روسیا بەردەوامن و ئه‌و ئامادەکاری بۆ هێرشێکی دیکە دەکات، بەو ئامانجەی ورەی ئۆکرانیەکان بشکێنێت.