دواین هەواڵ

هێرشەکەی ئێران

‌هونەر تۆفیق

پێش 2 هەفتە

هێرشەکە ..  لەبری تۆڵەکردنەوە لە ئیسرائیل ،  هەڕەشەیەکی گەورەی لەسەر دەستەڵاتی ناوخۆی ئێران دروستکرد ، چونکە : 

یەکەم : بە تەمەنی کۆماری ئیسلامی ئێران ، کردەیەکی سەربازی وا فاشیلی نەنواندووە . 

دووەم : لە مێژووی سەربازی تەنانەت وڵاتە فاشیلەکانیشدا ، پلانی هێرشەکە بەر لە ڕوودانی ئاوا بە دەقیقی دزەی پێنەکراوە . کە دوو ڕۆژ بەر لە هێرشەکە بە تەفسیڵی لە میدیاکانەوە وەک خۆی بڵاوکرایەوە . 
سێهەم : ئێران بیانوی دا بە ئیسرائیلیەکان ، کە دەمێکە دەیانەوێت پرۆژە ئەتۆمیەکەی ئێران بۆردمان بکەن . ئێستا بەهانەیان بۆ دروستبووە . 

چوارەم : لەناو خۆدا ، گەلانی ئێرانی ڕووبەڕووی ئەو پرسیارە دەبنەوە کە ئەوان چەندین ساڵە نەداری و گەداییەکەیان قبوڵکردووە لەبەرامبەر پاراستنی سەروەری و ئەمنی نیشتمانیدا . بەڵام فەشەلی ئەم هێرشەی سەر ئیسرائیل ، ڕوویەکی تری سەروەری ئێرانی نیشاندان . 

پێنجەم : ئەگەر ئێران وەڵامی نەدایەتەوە باشتربوو لەو وەڵامە کۆمێدیەی کە لەسەدا نەودونۆی هێرشەکەی هەر بەئاسمانەوە خرایە خوارەوە . 

شەشەم : لە حساباتی دراوسێکانی ئێراندا ، بەتایبەتی وڵاتانی کەنداو ، ئێران دەوڵەتی جەبارە و دەبێت ڕێز لە هێز و توانا سەربازیەکانی بگرن ، بەڵام ئەمشەو پێچەوانەکەیان بینی .. ئەوەش دەبێتە هۆکاری پێداچوونەوە بە شێوازی ڕێزگرتنیان لە هێزی ئێران . 

حەوتەم : لەدیدی هاوپەیمانەکانی ئێرانەوە ، چین و ڕوسیا ، ئێران جگە لە برێکسبوونی ، توانا سەربازیەکەی ( وەک حەڤدەهەمین هێزی جیهان ) ئەلقەیەکی پتەوی خۆرئاوای ئاسیایە ، بەڵام فەشەلەکەی ئەمشەوی لەناو برێکس و ڕیزبەندی سەربازی جیهاندا ، پلەکەی زۆر کەمدەکات . 

هەشتەم : بەرەی مقاوەمە ، لە یەمەن و لوبنان و سوریا و عیراق ، هێزی ئێرانی وەک پشتوپەنایەکی بەهێزتر لە ئیسرائیل سەیرکردووە ، بەڵام لەمشەوەوە گۆڕانکاری بەسەر هاوپەیمانیەکردنەکانیاندا دێت .. 

نۆهەم : لەمێژووی سەربازیدا ، ئەم هێرشەی ئێران ، عەجایەب ترین پلان و هێرش و تۆڵە بوو ، تائێستا ڕوویدابێت . کە نەکردنی زۆر ڕوسورانەتربوو لەو کردنە لاواز و ئابڕوبەرانەیە .

Copyright © 2020 All Rights Reserved Designed And Developed By AVESTA GROUP