چیرۆکی پرۆسەی ئاشتی لەگەڵ پارتی کرێکارانی کوردستان دەگەڕیتەوە بۆ دەسەڵاتی سەرۆکی کۆچکردو ( ئوزال) لە سالەکانی ١٩٩٢ ، کاتێك تورکیا لەگەڵ دەزگاکانی سەربازی و هەواڵگریەکان لە هەوڵدا بوون بەناوی پرۆسەی ئاشتی هێزو دەسەڵاتی چەکدارەکانی پەکەکە سنوردا بکەن ، بەجورێك لەڕێگای مناوەرە ی دیالۆگو ئاشتی دەیانویست پەکەکە لە چالاکی سیاسی وباڵی سەربازی لە قاڵب بدەن .
ئەم مناوەرەهەواڵگریە بەردەوام بوو تا کوشتنی (ئوزاڵ) دووبارەبوونەوەی لەژێر ناو و تایتڵی جیاوازدا لە قۆناغەکانی پێشتری سەرۆکەکانی تورکیە بەتایبەتی (مسعود یەڵماز و دینزبایکاڵ و تانسوچیلەل و نەجمەدین ئەربەکان و سلیمان دیمریل) تادەگات بە قەڵەمرەیی ئێستای تورکیا کە ئەردۆغانە . ئەم گەمە هەواڵگریە بەردەوامە ، لە جەوهەردا بریتیە لە چەکردنی پەکەکە و کۆتایی پێهینانی چاڵاکی سەربازی تواندنەوەی بزوتنەوەی نەتەوەیی لە ناو خاکی تورکیادا تواندنەوەی شوناسی کوردەکانی باکور لە ناو بۆتەی فەلسەفەی ئەتاتورکدا.
ئامانجی سیاسەتی تورکیا لەم پرۆسەیەدا بریتیە لە دووبارە نەبوونەوەی ئەو هاوکێشەی سیاسیەی عێراق و دروستنەبوونی هیچ دەسەلاتیەکی خۆجیە بۆ کوردەکانی باکوور و رۆژئاوا هاوشێوەی هەرێمی کوردستان . دروستنەکردنی دیفاکتویەکی سیاسی بۆ کوردەکانی باکوور و کاریگەری راستەخۆی بۆ پارچەکانی تری رۆژئاوا و رۆژهەڵات دەستنیشانکردنی سنوری کوردەکان لەناو دەوڵەتی تورکیا ووڵاتانی کولونیالستی کوردستانی داگیرکراو.
تورکیا موکوڕە لەسەردروستکردنی پشتنیەکی ئارام لە ناوچەکانی سنوری سوریا کە ئێستا پەکەکە لەڕێگای هێزەکانی سوریای دیموکراتەوە دەسەلاتی تەواویان هەیە لە ناوچەکەدا بەتایبەتی لە کوردستانی رۆژئاوا. وە بڕینی هێڵی دەریایی ناوچەکانی دەریای ناوەڕاست بە ووڵاتانی خورئاوا وە ، ڕێگری لە فراوانبوونی دەسەڵاتی ئیسرائیڵ و بەتایبەتی سعودیە لە رۆژهەڵاتی ناوەڕاستدا ، وەناچارکردنی پەکەکە لە ناوچەکەدا بۆنزیکبوونەوەی لە تورکیا ودوورکەوتنەوەی لە ئیسرائیل ، بەتایبەتی کە چەندین جارە بەرپرسانی ئیسرائیڵ لەڕێگای وەزیری بەرگری بەشێوەیەکی ناڕاستەخۆ ئەوە دووپاتدەکاتەوە دەڵی ئەگەر کوردەکان دورزیەکانی سوریا داوای هاوکاری لە ئیسرائیل بکەن بە هەموو توانایەکیەوە هیزەکانی ئیسرائیل بەرگریان لێ دەکات . دیدگای و تێڕوانینی جولەکەکان وا دەرئەکەوێت کە پێداگری لەسەر ئەوە بکەن کە جارێکتر ڕێگە بە دروستبوونی سوریایەکی مەرکەزی و بە‌هێزو یەکگرتوو نەدرێت و بەتایبەتی بێدەنگی ئەمریکا لە ناوچەکەدا هەڵگیرسانی گلۆپی سەوزە بۆ کەرتبوونی ناوخۆی سوریا لەڕێگا هاندانی کوردەکانی رۆژئاوا و درزیەکان و تایەفەی عەلەویەکان لە سوریادا، ئەم بێدەنگیە دەرخەری ئەو ڕاستیەن کە نایانەوێت سوریایەکی به هێز لە ژێر هەژموونی تورکیادا دروستبکرێ لە ناوچەکەدا.
ترسی تورکیا و نا ئارامی دۆغی ناوخۆی سوریا بێ هێزی (جەبهەی تحریر شا) وەکو سێبەرو ئەنتەرناتیڤی تورکیا کێشەی ستراتیژی بۆ بەرژەوەندیەکانی تورکیا لە ئایندە دروستکردوە . چونکە بەشێکی زۆری ناوەند ستراتیژیەکانی ئەوروپا بەتایبەتی ووڵاتانی یەکێتی ئەوروپا بە جورێكی تر گوزارشت لە لێکەوتە سیاسەکانی دوای هاتنی ( احمد شەرع) دەکەن کە تورکیا بەشێوەیەك لە شێوەکان هەست بە هێمنی دۆغەکە ناکات ، بەتایبەتی جوڵە سیاسیەکانی سەرکردایەتی ئێستای سوریا نزیک بوونەوە لە بەشیکی زۆری ووڵاتانی عەرەبی دۆغە کە بەئاڕاستەی پێچەوانەوە هەنگاو دەنێت ، بەتایبەتی لەدوای دروستبوونی چالاکیە سەربازیەکانی عەلەویەکان نزیک بوونەوەی دورزیەکان لە ئیسرائیل ، هاوکات لە دوای سەردانی کردنی ( ئەحمەد شەرع) جورێك بی متمانەیان بەرامبەر بە دۆغەکە بۆ تورکیا دروست بووە ، کە دەکرێت لە داهاتوودا سوریا و سەرکردایەتیەکە لەژێر هەیمەنی تورکیا نەمێنن بگەڕێنەوە بۆ باوەشی ووڵاتانی کەندا بەتایبەتی کە (شەرع) لە دایکبووی سعودیە لە کاتی چاوپێکەوتنی لەگەڵ کەناڵی (الحدث) زۆر بە ڕاشکاوی ئەوەی دووپاتکردوە کە بەشێکی یادگاریەکانی لەو ووڵاتەدایە خۆشەویستی بۆ ووڵاتی سعودیە هەیە چۆنکە سەردەمی منداڵی هەرزەکاری زانکۆ لەو تەواو کردوە ، بەشێکی زۆری چاودێرانی سیاسی دەڵێن تورکیا لە دڵڕاوکیدایە لە داهاتووی سوریا بەشێوەیەك لە شێوەکان هەست بە نا ئارامی و سەقامگیری ناکات داهاتووی سوریا دا