هەرێم نیوز
سەرۆکی حکوومەتی هەرێمی کوردستان پێشوازیی لە باڵیۆز نزار ئەلئەخرەس، کونسوڵی گشتیی نوێی فەلەستین لە هەرێمی کوردستان کرد و هەموو پشتیوانییەکی حکوومەتی هەرێمی بۆ سەرخستنی ئەرکەکەی دەربڕی.
دەستبەکاربوونی کونسوڵی گشتیی نوێی فەلەستین
ئەمڕۆ دووشەممە، ١٦ی تشرینی دووەمی ٢٠٢٦، مەسرور بارزانی، سەرۆکی حکوومەتی هەرێمی کوردستان، پێشوازیی لە باڵیۆز نزار ئەلئەخرەس، کونسوڵی گشتیی نوێی فەلەستین لە هەرێمی کوردستان کرد.
لە دیدارەکەدا، سەرۆکی حکوومەت وێڕای پیرۆزبایی بە بۆنەی دەستبەکاربوونیەوە، هیوای سەرکەوتنی بۆ خواست و هەموو پشتیوانییەکی حکوومەتی هەرێمی کوردستانیشی بۆ سەرخستنی ئەرکەکەی دەربڕی.
پەیامی سەرۆکی فەلەستین و بەهێزکردنی پەیوەندییەکان
لای خۆیەوە، کونسوڵی گشتیی فەلەستین سڵاو و ڕێزی مەحموود عەبباس، سەرۆکی فەلەستینی بە سەرۆکی حکوومەت گەیاند و جەختی لە گرنگیی بەهێزترکردنی پەیوەندییەکانی نێوان هەرێمی کوردستان و فەلەستین کردەوە.
هاوکات کونسوڵی گشتیی نوێی فەلەستین سوپاس و پێزانینی خۆی بۆ پشتیوانیی بەردەوامی هەرێمی کوردستان لە گەلی فەلەستین دەربڕی.