هەرێم نیوز
یەحیا سەریع، گوتەبێژی سەربازیی حووسییەکان ڕایگەیاند، فڕۆکەخانەی نێودەوڵەتیی خالید لە ڕیازی پایتەختی سعودییەیان بە سێ مووشەک و وێستگەیەکی پاڵاوتنی نەوتیان لە یەنبەع بە درۆن کردووەتە ئامانج.
ئەمڕۆ چوارشەممە، 11ـی 11ـی 2026، گوتەبێژی سەربازیی حووسییەکان ڕایگەیاند، لە هەمان کاتدا جموجۆڵەکانی هێزەکانی سعودییەیان لە کەمپی خەرز و ڕەئس عارە لە یەمەن بە مووشەکی باڵستیکی بۆردومان کردووە.
ئاماژەی بەوەش کردووە، ئەو دەنگۆیانەی سعودییە ڕەتدەکەنەوە کە باس لە تێکشکاندنی فڕۆکەیەک لە ئاسمانی مەککە دەکەن، و جەختی کردەوە کە هێرشەکانیان تەنها دامەزراوە نەوتی و سەربازییەکان دەکەنە ئامانج.
هاوكات تورکی مالکی، گوتەبێژی هێزەکانی هاوپەیمانیی عەرەبی بە سەرۆکایەتیی سعودییە ڕایگەیاند، سیستەمی بەرگریی ئاسمانییان دوو مووشەکی باڵستیک، دوو درۆن بەرەو مەککە و باشوور، و سێ مووشەکی باڵداریان بەرەو ڕیاز تێکشکاندووە.
ئەم پەرەسەندنانە لە کاتێکدان کە لە تەممووزی ٢٠٢٦ەوە هێرشی مووشەکیی حووسییەکان بۆ سەر سعودییە چڕتر بووەتەوە و پێکدادانە مەیدانییەکانیش لە پارێزگای تەعیز و نزیک گەرووی باب مەندەب بەردەوامییان هەیە.